الجمعة , سبتمبر 17 2021
مدحت عويضة

فاكسات مهاجر يرسلها : مدحت عويضة .

السيسي
كل ما تحصل مصيبة يقولوا الريس غصب عنه مش قادر. إيه رأيك نسميك في وجه بحري مش قادر وفي وجه قبلي ماقدرشي.

الإعلام المصري
إللي زعلان من لقب لاجئين علي أقباط العريش خلاص هنطلق عليهم المصيفين في الشتا !!!.

أقباط العريش
مع تهجيركم أشعر أن قلبي ينزف حزنا علي شوقي كراس وسليم نجيب وعدلي أبادير.

أحمد موسي
بتهدد نشطاء شباب الأقباط طيب لو راجل أنت وإللي وراك قربوا علي واحد منهم علشان نفضحكم في العالم.

النقابات المصرية
أهل غزة يستحقون قوافل إغاثتكم أما أقباط العريش فلا. نعم الوحدة الدينية أقوي من الوطنية .

الشيخ عبد الله نصر
أنت بتحارب الإرهاب والدولة بتحارب الإرهاب علشان كدة سجنوك 5 سنين علي ما يخلصوا يكون الإرهاب خلص علينا كلنا.

إبراهيم عيسي
بسأل البلد عملت إيه علشان تحارب الإرهاب قالوا وقفت برنامج إبراهيم عيسي لأنه كان بيحارب الإرهاب.

علي عبد العال
محمد السادات سأل عن شرائك 3 عربيات ب 18 مليون ..لبسته البيجاما … وقبله لبست عيسي البيجاما إيه نسميك علي بيجاما بدل علي عبعال.

جاستن ترودو
بعد اعتماد موشن الإسلام فوبيا بقيت كل ما أقابل صاحب ليه أقوله أوعي تنسي تجيبلي عيش وحلاوة.

اقرأ خالد
الشئ اللي جابني لكندا هو عشقي للحرية ولن أسمح لك أنك تسلبيني حريتي وفي 2019 هنتقابل.

ترامب
بعد ما طلعوا موشن الإسلامو فوبيا ممكن تقبل الكنديين اللي زيي لاجئين عندك يا كبير؟؟.

أقباط المهجر
بعد أحداث العريش طلبوا مني أبعتلكم فاكس فأخترت ( أقباط المهجر أخجلنا خنوعكم).

مجلس الشعب
عايزين تغيروا مدة الرئاسة في رأيي خلوها ثلاثين سنة زي مبارك بس حتة واحدة وربك يغير ولا يتغير.

شيخ الأزهر
اوعي تصدق السيسي لما قال لك الأزهر منارة الفكر المعتدل. لانكم معمل تفريغ للإرهاب.

يوسف الحسيني
بتوجه سؤال للسيسي وبتقوله هل مازلت مقتنع ان شيخ الأزهر يصلح لتجديد الخطاب الديني؟؟ وانا بسألك أنت لسه مصدق أن السيسي عايز يجدد الخطاب الديني؟؟

شاهد أيضاً

التاجر المفلس والنبش في الماضي !؟

د./ صفوت روبيل بسطا يقول المثل الشعبي : (التاجر لما يفلس يدور في دفاتره القديمة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *