الأحد , يونيو 7 2020
محمد فتحى

( فين حق المسيحيين )

ايه اللى حصل يا طنطا
ردى و قولى يا إسكندرية
هو دم المسيحى اونطة
ولا معدش له دية
فينك يا حكومة نايمة
قومى و شوفى الهم
عروسة البحر عايمة
جوه بحور الدم
يا حكومة ايه ملتك
بجد احنا مش عارفين
وجودك زى قلتك
انتى إخوان ولا سلفيين
يا حكومة احمى الكنايس
ولا حاميها حراميها
ده القانون عليهم دايس
بيعفى اللى بيفجر فيها
فين حق المسيحيين
ولا مالهومش حقوق
يا حكومة ليه ساكتين
الواحد بجد مخنوق
كفاية دم كفاية موت
ارحموا بقى الاقباط
بقولها بعلو الصوت
يا حكومة كفاية استعباط
ليه تملى الجانى
حقه دايما مضمون
بياخد البرأة مجانى
و كله بالقانون
يا حكومة عرفينى السبب
ليه بتحمى الإرهاب
ولا فى الدستور انكتب
أن المسيحيين كلاب
الموضوع زاد عن حده
بجد ميرضيش ربنا
ده المسيحى دايما رده
ربنا دايما بيدافع عننا
متفكرش ان حقك اترمى
او ممكن نهمل فيه
العيد اجمل فى السما
أفرح و اتهنى بيه
كلمات : محمد فتحى

شاهد أيضاً

بالفيديو كارثة شمالي روسيا وبوتن يعلن الطوارئ

أعلن الرئيس الروسي فلاديمير بوتن حالة الطوارئ في منطقة شمالي سيبيريا، بعد أن تسبب تسرب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *