جريدة الأهرام الجديد الكندية 
مقالات مشابهة
يا مرحب يا بابا الفاتيكان
فى بلد الأمن و الأمان
شرفت و نورت مصرنا
واحشنا بقالك زمان
يا رمز المحبة و السلام
لسانك بينطق دهب الكلام
يا اجمل معنى للإنسانية
موج الحب جواك عام
مهما اتقال مهما اتقال
فى المحبة تستاهل تمثال
صدقنى ده قليل عليك
يا أعظم قدوة و مثال
علمت العالم يتسامح
علمت العالم يتصالح
يا اجمل قدوة عظيمة
للراجل الطيب الصالح
بابا الفاتيكان يا اطيب بابا
يالى قلبك كله طيابا
راجل فعلا حنون القلب
تستاهل غنوة على الربابة
نبع المحبة مولود جواك
مشاعر طفل قلب ملاك
قلب طيب مبيتغيرش
الحب عمره ما نساك
يا اب مش عايش ليه
عايش للى حواليه
حبه مغرق العالم
حب الدنيا ماليه
مش لاقى ليك وصف
يا رمز السلام و العطف
تملى مشاعرك الطيبة
تخطف القلوب خطف
مصر بتقولك متمشيش
عيش فيا عيش
يالى بعد طيبتك
تانى و الله مفيش
منور انت و شيخنا الطيب
يا بابا يا أبو قلب طيب
ياريت تشرفنا تانى
ياريت تزورنا قريب
كلمات : محمد فتحى
