جريدة الأهرام الجديد الكندية 
مقالات مشابهة
السيسي
كلمتك ٍأمام ترامب كانت حلوة قوي .. كانت ناقصة تقوله أنت مش عارف إنك نور عنينا ولا إيه يا توتي.
السفير المصري بكندا
شكلك كده هتلحق شامل ناصر هو راح تايلاند أنت هنوديك الصومال في الدفي.
وزارة الخارجية المصرية
لو عندكم بعثة دبلوماسية في كندا ما كنوش الإخوان فرقعوكم قفي اللجوء.
وزير الهجرة الكندي
يا جبروتك بقي مصر بعد ما الأمن أستقر فيها لحد كبير تعملها زي سوريا والعراق… مش عارف أقول رزق الإخوان وحظهم ولا أقول لعبهم؟؟
ترامب
آنت آخدت من السعودية الجزية إللي لمتها في ١٥٠٠ سنه طيب وزعها علي اللي دفعوها خليك حقاني واديني حقي.
السعودية
٣٠٠ مليار لترامب وأنتم صاغرون وعلي ٣ مليار للسيسي نصباية الجزرتين عليه آنتم منقلبون … زي القرع تمدوا بره بصحيح.
سليم نجيب
خلفت وراك رجالة وقفم وقفة رجاله وقالوا لا لخطف البنات في وقت الكل بيخون فيه الأقباط وبيتاجر بشرف بناتهم.
نتنياهو
قولي وسرك في بير…. ترامب إدالك كام من الجزية إللي أخدها من السعودية؟؟
بريطانيا
حزين أن تفجيرات مانسشتر بسبب لاجئ ليبي وحزين أكثر لأننا حذرنا وأتهمتونا أننا متشددون .. يا ريت تعرفوا أننا مش متشددون نحن فاهمون.
إسلام البحيري
آهلا بيك في كندا في الأسبوع الثاني من أغسطس… ياريت تقول لتردو آن موشن ١٠٣ ممكن تعمل إيه فينا ككنديين وتكون تجربة حية قدام الكنديين؟
وزارة الداخلية
تقبضوا علي شباب ٢٥ يناير وتعطوا عفوا رئاسي للإسلاميين وعجبي عليكم وعلي ديك وفرخة وكتكوت نظريات أمن حظراتكم.
أردوغان
تسلط حرسك الخاص بضرب المتظاهرين ضدك في أمريكا آمال المتظاهرين في تركيا بتعمل فيهم إيه؟؟
ماكسيم بيرنية
أنت هتكسب قيادة الحزب بالتأكيد لكن ده مش مهم المهم تكسب لينا تردو في ٢٠١٩.
