الأربعاء , أغسطس 17 2022
ميلاد إسكندر

*** بـحـبـك ***

ما بقيتش عارف أيه مشــاعــرك ناحيتي !
عايزاني ولا رافضة تمشـي فـي سكـتي ؟
ماتقـولـي لو مُـتـرددة !!!
سايباني ليه حيران كده ؟!
مش عارف أبدأ بيكي صفحة في قصتي
بحبك أنتي ونفسي أكمل عُمري بيكي
لو تعرفي إني بغير من النسمه عليكي
لو لمستك لو حركت رمش ف عنيكي
من كاسة بتلامس شفايفك و بتشربيها
ومخدتك إللي تمـللـي بتـحـضـنـيـهــا
بغير من النجمة إللي دايماً تسهري تبصي عليها
مسـتغـربـة إزاي ده يكون ؟! وإحنا يدوب متعّـرَفـين !!
لو تعرفي لغة العيون ،،، هتقولك إنك جوَّه قلبي من سنين
أنا كنت بحلم بيكي ياما في وحدتي
برسم ملامحك من خيالي بفُرشتي
أنا كنت بسهـر أحكـي معاكي
وأحضن الحــب فــي هـواكي
أنتي روحي وعقلي أنتي دُنيتي
قـولـيلـي بس مشـاعــرك أيه من ناحيتي ؟
عايزاني ولا رافضة تمشـي فـي سكـتي ؟
ماتقـولـي لو مُـتـرددة !!!
سايباني ليه حيران كده ؟!
مش عارف أبدأ بيكي صفحة في قصتي !!!
*******************
ميلاد ثابت إسكندر
فنان تشكيلي
وأشكيلك
!!!

شاهد أيضاً

هشام الشاذلى نموذج مصري يرفع رأس مصر بالخارج محققا إقبالا واسعا

أمل فرج أنجزت الأيادي المصرية في الخارج  إنجازات يفخر بها المصريون في كل مكان، وذاع …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *