الجمعة , يناير 7 2022
أخبار عاجلة
محمد فتحى

( مراحوش الدير راحوا السما )

الحكاية مش فتنة طائفية
أيوة الحكاية أكبر بكتير
دى لا شهادة ولا تضحية
يا شيطان معندكش ضمير
الدين قالك اقتل و أحرق
ولا المسيحى مالوش دية
يالى فى الخطية بتغرق
اصحى من اوهامك دية
ناس كانت رايحة تزور
ماشيين فى أمان الله
قتلهم شيطان مغرور
ميعرفش للدين اتجاه
يالى ماليك الكره و العما
عارف ايه أخرت المشوار
اللى مراحوش الدير راحوا السما
أنت بقى آخر طريقك نار
أفرح يا شيخ سالم
آدى اخرت التكفير
زغرط على السلالم
اخواتنا مراحوش الدير
اسأل الدم اللى سال
هتلاقيه بيقول ليك
قتل المسيحى مش حلال
أرحم بقى حرام عليك
محدش هيقبل تعازى
فى اخواتنا الشهداء
فى المعادلة مينفعش نوازى
القتلة مش زى الأبرياء
قولى ايه أخرت الشر
يالى عمال تقتل غيرك
لا ليه مرسى ولا بر
يالى ماااات ضميرك
عارف لو أتكلم الأتوبيس
كان رد عليك و قالك
دم المسيحى مش رخيص
شغل بقى عقلك
بتقتل المسيحى ليه
قولى ايه الهدف
عايز منه ايه
يالى الكره جواك اتحدف
كلمات : محمد فتحى

شاهد أيضاً

وداعًا..عصفور النيل

مختار محمود لا شماتة في الموت؛ فكلنا راحلون كما قال القرآن الكريم: “إنك ميت وإنهم …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *