الجمعة , يناير 7 2022

مينا انيس يكتب : طيب ياشيخ هو انا صح كافر

لما اصلي علشانك وتقوم تقتلني
لما ابقي برغم همي شاكر
وانت ضدي ماراضي تفهمني
ومهما بتعمل برضه فاكر
قول ربي اني اسامح لما تلطمني
قالها هزعل لو ما كنت غافر
ولا تبقي ساعتها انت ابني
طيب يا شيخ هو انا صح كافر
لما في عظاتي اقول الله محبه
والمحبة تبقي ظاهرة ما تستخبي
حاجه فينا ريحتها عطرة
ولا تسمع مني مرة كلمة صعبة
ولا اجند جنود وابعتهم لاخرة
ولا اوصي بقتلك شلة وصحبة
مفيش حقد ولا حتي ف نظرة
انا الوداعةووارثهامن ارض خصبة
طيب ياشيخ هو انا صح كافر
وعقيدتي زي مابتقول انها فاسدة
عارف ناقصك ايه؟ ناقصك تذاكر
وتنسي مشروع ازهرك ويا نهضة
وافتكر اني مخلوق وطاهر
عمري ماعرفت شر ولا بيه راح ارضي
صح انا اساس البلد دي رغم حاضر
انت فيه واخد صلاحيتك وسلطة
لكن للسماء لربي تملي ناظر
وبيننا مش محتاجه علاقتنا واسطة
عارف يا شيخ انا لو كنت كافر
كان زماني دلوقتي اعلي منك
هشترى سلاح وحشيش واتاجر
واضرب في اللي يقربلي لعلملك
وكل يوم اقوم بثورة زيك واتظاهر
وهفجر في ممتلكاتك وقلبك
والليل تبقاه من وجعي ساهر
وتخاف مني انت وامراتك وابنك
شفت بئا يا شيخ انا لو كنت كافر
كان ايه ساعتها هايحصلك
لكن انا ماتهمني ارضك ولا عايزها
انا يهمني اوصل لرضا ربك
الدنيا بتاعتك صغيرة قدامي شايفها
دي دنياك انت وفيها حلمك
حتي جنتك شهوة ما انت عارفها
لكن انا ليا انت يارب وراحتي ف حضنك

شاهد أيضاً

حصول المستشار نشأت محمود عبد العليم على الدكتورة فى أثر التحكيم على العلاقات السياسية الدولية

تتقدم مؤسسة الأهرام الكندى بخالص التهانىء إلى المستشار نشأت محمود عبد العليم بمناسبة حصوله على …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *