الخميس , يونيو 4 2020

من ديوان “حس بيا” الذي رُفض نشره

*** سامعني يا خـال ؟! ***
عايزني أتجـوز قال !! طب قـول بأمـــارة أيـه ؟
دأنا عقلي في راسي يا خال ، ومثبت ايدي عليه

عايزنــي أتجـوز قــال !!! ازاي بـس يا سـيد الكُـل ؟
الدنيا خلاص بقيَ حالها يسـُـر ! وبلدنا بقت فُل الفُل؟

تضمنلـي بيت علـي قدي نضيف، انه يكون عـش الزوجيـه ؟؟
وأن جـُـعت القــَي حتــي رغـيف، نقســمُـه بينــا أنا وهــَي ؟؟

تضمنلي إنها مـش راح تدبهدل، لو ركـبت مَـره الاتـوبيس؟؟
أو حتي في الشارع مشييت، من زيد وعبيد وكمان عتريس؟؟

تضمنلي أن ابني يكمـِل، عُمره معايا من غير تهديد ؟؟؟
يوم العيد ما أقدرش أتحمِل، انه يكون ذكري ابني شهيد

وازاي تفكيري ما يشتِـش، علي بنتي لو خرجت بره ؟
خطف يوماتي ياناس ده ماحدش، متهَني فيها بالمَره ؟

والمشكله ببساطه يا خال ،، الحال مبقاش زي الحال
والخوف عشش جوه القلب ، ايه تاني ممكن يتقال ؟
الله يخليك سيبني في حالي ،،، إياك تاني تقولـي جواز
ده الضغط والسـُكر جالي ! ناقص أحرق نفسي بجاز
سامعني يا خال ؟؟؟
*****************
ميلاد ثابت إسكندر
فنان تشكيلي

شاهد أيضاً

بالفيديو: مصرية داعشية منقبة تحاول قتل شرطي أمريكي وتتسبب في فضيحة جديدة

الأهرام الكندي: شهدت مدينة Temple Terrace الأمريكية فضيحة جديدة للجالية المصرية والعربية بالولايات المتحدة الأمريكية. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *