الأحد , يونيو 7 2020
أحمد فؤاد جويلى

شاعر : لو قامت ثورة ثالثه حتكون تحت خمسين راية والبلد حتضيع .

أحمد فؤاد جويلى
أحمد فؤاد جويلى

الأهرام الجديد الكندى
وجه الشاعر والكاتب المعروف أحمد فؤاد جويلى كلمة الى محبى الرئيس عبد الفتاح السيسى قائلا لو حضرتك بتحب السيسي .. محدش منعك من الحب يا سيدي .. بس في إدارة دولة مفيش حاجه اسمها حب وكراهية . فيه احترام أو عدم احترام .. ويمكن يكون بعض اللي بينتقدوا أداء السيسي بيحترموه أكتر منك . بس يا سيدي لما تحب حد وتقعد تصقف له وترقص له وتغني له طول الوقت ، فانت بتخلق لعنة أكبر من لعنة الحزب الوطني والاتحاد الاشتراكي معاً . البلد في خطر .. ولو بتحب البلد دي تكتب كل يوم للسيسي عن اللي مفروض يكون .. واللي مفروض يحصل واللي مفروض يتقال واللي مفروض يتعمل .. اكتب وجهة نظرك في النهاردة مش امبارح .. امبارح خلص وانتهي .
لو بتحب البلد دي خاف عليها من موجة ثورية لو حصلت حتاخد البلد كلها .. الثورة لو قامت تاني مش حتكون تحت راية واحدة . لكن حتكون تحت خمسين راية ، وخمسين فصيل وخمسين أجندة ، والبلد حتضيع . حتضيع بجد ..
لو بتحترم السيسي .. أو بتحب البلد دي .. أكتب بجد ، ولو كلامك معجبش يبقا عملت اللي عليك وأرضيت ضميرك قدام ربنا سبحانه وتعالي .. ولو كلامك عَجب . يبقى يا دار مدخلك شر .

 

شاهد أيضاً

” لا عدالة لا سلام” شعار يهز تورنتو الكندية في مظاهرات صاخبة ضد العنصرية اليوم

شهدت مدينة تورنتو الكندية وتحديدا وسط المدينة مظاهرات حاشدة اهتزت لها المدينة بشدة وكانت تغطية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *