الإثنين , ديسمبر 6 2021
ابرام كمال

” طعم الخريف”

الامر مش محتاج حكايه
مهو من الاول ف ضياع
الرحمه ماتت من البدايه
والموت بقي اشكال وانوع
نسينا خلاص مين غلبان
وقلوبنا بقيت فينا حجر
الرحمه مباقتش زي زمان
وده كله من طمع البشر
دايرين في كل مكان
زي الديابه و الخطر
وعميت العين عن البردان
والظلم بين الناس انتشر
كفايه خلاص ظلم فينا
داحنا اخيرنا شبرين مقاس
وحيطه وسقف يدرينا
وكفن ابيض زي الماس
حسوا بقي بالغلبان
اللي صحته بقيت ع القد
شاوروا عليه اديلوا مكان
بدل مهو مارمي ع الارض
يا ناس كفايا بقي هم
حرام نتفن الضعيف
نفسي الظلم بقي يتلم
ونحس مره بطعم الخريف
كلمات ابرام كمال

شاهد أيضاً

أول حكم قضائي ضد سايس متهم بتعذيب كلب بمصر الجديدة (مستند)

أمل فرج قضت محكمة مستأنف شرق القاهرة، اليوم ، بتأييد تغريم سايس متهم بتعذيب كلب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *