الأربعاء , يناير 5 2022
محمد فتحى

( الفتوى بقالها اكشاك )

عجيبة يا مصر عجيبة
الفتوى بقالها اكشاك
فيكى حاجات غريبة
سكتها مليانة هلاك
لو الاكشاك مقاولة
بنطالب كمصريين
عايزين اكشاك مناولة
لأخواتنا المسيحيين
يا مترو طريقك فين
رايح ولا جاى
ابعد عن الفتايين
سكتهم ملهاش زايى
خلاص مترو الأنفاق
بكرة هتروح عليه
الكشك بقى دار إفتاء
فاضل ايه تانى ايه
ابدا متلزمناش الفتاوى
اللى طالعة من اكشاكها
ولا انت يا عمنا ناوى
تدلع الفتوى و تهشتكها
عينى عليك يا مترو
هتسمع فتاوى كتير
أصل الفتايين كتروا
عقلك خلاص هيطير
حتى الفتاوى يا حكومة
اخدتيها فى صالحك
التفصيلة هتكون محكومة
علشان تحقق مصالحك
الفتوى مكانها الجامع
كفاية تجارة بالدين
اسمع يالى مش سامع
الحكاية صبحت طين
كلمات : محمد فتحى

شاهد أيضاً

نفر ما فى كويس !

في عام 2004 وصلت إلى مدينة الأحساء في شرق السعودية للتدريس في جامعتها بقسم الجغرافيا. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *