جريدة الأهرام الجديد الكندية 
مقالات مشابهة
قوبله ع الخد الجميل دى ليها الف دليل ودليل
دى بلدنا هيه الجميل ومستنيه ياخد بايدها امير
بصراحه وكل صراحه بلدنا اليومين دول مش مرتاحه
بيحاربوها من الداخل ومن الخارج خلوها نسيت طعم الراحه
دى كانت عروسه فى ليلة فرحها
وفاتحه قلبها وايديها لكل سواحها
مش سايبينها ف راحه وخلوها عايشه ف مناحه
فين بلدنا بتاعة زمان ام ضحكه حلوه وبسمه غنوه طراحه
وابو الهول زعلان الا ما ف حد سائل فيه او راح يسلم عليه
او رسم البسمه ع شفتيه او مسح الدمعه اللى سالت من عنيه
ومش واحده سايحه تقدر تملا ف يوم عنيه
ولا تقدر تعوضه عن اللى راح ف يوم من بين ايديه
فين ايام زمان ايام ما كان ليله نهار ونهاره ليل
كانت الناس دايما حواليه تسقيه الشهد وتملا الفرحه عنيه
مين عالم يمكن ف يوم تتغير الاحوال وترجع ليالى زمان
وتحلو الايام ويا الحبايب والخلان ونرقص كمان ع الناى والمزمار
ربنا قادر يمسح دمعنا وينور شمعنا ويتمم فرحنا
ونغنى اغانى الفرح والهنا
دا ربنا كبير وقادر. يغير اللى ما يقدر يغيروه انسان
وقادر يحفظ بلدنا وياخد بايد رئيسنا ويرسى مركب
…بلدنا لبر الامان.
كلمات : سمير حنا
