الإثنين , يناير 3 2022

( الملايكة مستنياك )

 

خالص التعازى لأهلنا فى أسيوط

الشهيد المجند كيرلس سمير

كلمات : محمد فتحى

مع السلامة مع السلامة

يا قلب أمك و ابوك

هتوحشنا كتير ياما

احنا و كل اللى سابوك

مع السلامة يا شهيد

يالى مسافر و سايبنا

أنت فارق معانا اكيد

بعادك بجد صايبنا

عارف ايه اللى مصبرنا

على جرح قلوبنا الحزينة

أن نصيبنا و قدرنا

تفارقنا يا زينة الزينة

الدم اللى منك سال

عرفت قيمته الأرض

أصل دمك الحلال

ملاها فل و ورد

يا صاحب الروح الطاهرة

يا اجمل ملاك برئ

يا حتت فلة و زهرة

دمك أغلى من اى شيء

سلام و 1000 سلام

يالى رايح السما

الملايكة ليك خدام

بين أيديهم اترما

مع السلامة روح

الملايكة مستنياك

باب السما مفتوح

يا بختك يا هناك

مبروك عليك الملكوت

اللى جالك هدية

يا بختك سعيد مبسوط

فى اجمل حياة أبدية

ادخل نور مكانك

احنا مطمنين عليك

الملكوت مفتوح عشانك

النهاردة فرح ليك

سلم على كل أخواتك

اللى عندك موجودين

قولهم وحياة حياتك

يارب نكون بمكانكم موعودين

كلمات : محمد فتحى

 

 

 

 

 

 

 

 

 

 

 

 

 

شاهد أيضاً

وداعًا..عصفور النيل

مختار محمود لا شماتة في الموت؛ فكلنا راحلون كما قال القرآن الكريم: “إنك ميت وإنهم …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *