الخميس , سبتمبر 7 2017
الرئيسية / منوعات / مايكل مكرم يكتب : بحاول انساكي

مايكل مكرم يكتب : بحاول انساكي

كنت فاكر اني ممكن
بسهوله أقدر انساكي
ولما اعيش مع غيرك يمكن
انسي ماضي عشته معاكي
فاكر اني ..هاتعامل
مع الأيام واعديها
ولا اعتبرك قصه وعدت
وأشوف ايه جاي بعديها
معرفتش قيمتك وقتها
وسيبتك ضعتي من أيدي
وفاكرك حب .. وانتهى
مش حب بيجري في وريدي
حواليا ناس كتير لكن
حاسس اني وحداني
وهيفضل حبك جوايا ساكن
مهما الكل اغراني
ولو قابلت ناس كتير
مش هلاقي حد في رقتك
ده انا لسه ليكي عايش أسير
يا مالكه قلبي بنظرتك
لسه قلبي بيكي مشغول
وأنا مهما اقول مش قادر اخبي
طول الليالي علي طول سهران
دايما حيران بين عقلي وقلبي
عقلي يقول خلاص ده كان
ومالوش مكان دلوقت عندك
وقلبي يقول ده مهما زادبينا البعاد
هايجي يوم ويبقي جنبك
لكن خلاص فات الأوان
ومعدش بينا غير الفراق
انتي في مكان وانا في مكان
كنا زمان من العشاق
ساعديني اقدر اتغلب
علي الأيام في غيابك
وارجوكي ياروحي مهما أتعب
اوعي تفتحي بابك
لأني”بحاول انساكي”
يا اجمل حب في حياتي
مع اني لسه بهواكي
مش هاحن تاني لذكرياتي
وبرغم اني بتعذب
لما بفكر في الماضي
علي جرحي برضه هتغلب
وهايفضل مكانك فاضي
#بحاول انساكي#
مع حبي

شاهد أيضاً

احلى تحيه لعيد ميلاد الاستاذ مجدى نسيم المحامى كاتبنا بجريدة الاهرام الكندى

تتقدم ادارة تحرير الأهرام الكندى بالتهنئة للأستاذ مجدى نسيم المحامى كاتب بجريدة الأهرام الكندى بعيد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.