السبت , أكتوبر 23 2021
محمد فتحى

( حكومة طائفية )

كل الحكاية و كل القضية
أن الحكومة فعلا طائفية
دايما بتفتت و تشتت فينا
ب 1000 طريقة قوية
حكومة عقلها قل
الواحد منها مل
عمالة تملى تدافع
عن المجنون المختل
حكومة كلها استعباط
دايما دايسة الاقباط
الواحد حقيقى منها
عقله خلاص شاط
حكومة مهياش محايدة
ملهاش أبدا أيها فايدة
بتغمض عينيها تملى
فى نار المسيحيين القايدة
حكومة متنفعش تكون
فى مصر ام الكون
دى من عالم تانى
كله جنون فى جنون
حكومة ملهاش أفكار
سايبة الدنيا تضرب نار
لو قدرت تقول قول
شايفة المسيحيين كفار
دى حكومة اللامبالاة
ماشيه فى كل اتجاه
مواقفها تملى ضعيفة
متنفعش ابدا لا لا
حكومة ايديها مشلولة
طائفية من الدرجة الأولى
عمرها ما جابت فى مرة
حق مارينا و أمجد و بولا
حكومة فقدت الشوف
متعرفش خجل و كسوف
عمايلها السودة تملى
ظاهرة على المكشوف
حكومة ضميرها ماااات
متعرفش غير السكات
فى آخر كلامى
على مسؤليتى الكلمات
كلمات : محمد فتحى

 

 

 

 

شاهد أيضاً

الفنان المبدع ” عمر زهيري “

بقلم : ماجدة سيدهم البطل الحقيقي لفيلم “ريش” ..اللي رفض يكون تقليدي وخرج عن كل …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *