الخميس , أكتوبر 21 2021
محمد فتحى

( المسيحيين لنا شط )

يالى بتزرع الفتنة فينا
جناينك ماليها الشوك و دبلانة
مالك و مال محمد و مينا
مالك و مال فاطمة و هيلانة
علمونا فى المواطنة
حب القرآن و الانجيل
و ان مريم زى فاطمة
مش كلام او مواويل
الهلال زى الصليب
و أبونا زى شيخنا
لو شمس المحبة هتغيب
يبقى ضاع كل تاريخنا
دى الكنيسة زى الجامع
الاتنين بيوت ربنا
نورهم اللى مالى الشارع
ساكن جوه قلبنا
متحاولش تفك أيدينا
أصل الضمة و الله قوية
انت لو راجعت ماضينا
هتعرف معنى الوطنية
حاول تسأل عنا
او تراجع اللى فات
هتلاقى أحمد و حنا
فى الأصل أخوات
اكتبها بأقوى و اكبر خط
و قلمى مش هيكون ناسى
ان المسيحيين لنا شط
و احنا ليهم مراسى
ازرع بالفتنة مليون فدان
أرضنا تملى خصبة و صلبة
صوت الكنيسة مع الأدان
أسمه لحن المحبة
كلمات : محمد فتحى

 

 

 

شاهد أيضاً

أكتوبر الوردى

بقلم : ماجدة سيدهم الشهر العالمي للتوعية ضد سرطان الثدي واللي بيتم الإحتفال به ١٩ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *