الخميس , أكتوبر 28 2021

ماجدة سيدهم تكتب : اعلام مش سعيد بالمرة ..

المركز التاني للتحرش و ردا على سطحية ست الحلوين ريهام سعيد واندهاشها لسر تقدم الغرب سيء السمعة رغم إن إحنا اللي بنعرف ربنا ..

طيب ليه ياعسلية تنكري تفوقنا في المركز التاني للتحرش والاغتصاب ..ونتصدر بكل فخر ووقاحة قاءمة التفوق في المرض الفقر والقهر والاهمال والفوضى والبطلجة والفساد والتعليم والإلحاد حدث بلا حرج ..

طيب ايه رأيك يازينة البنات في كوريا والصين وفيتنام وتايلاند والهند دا حتى مايعرفوش يقولوا الفاتحة وبياكلو الكلاب استغر الله .. طيب تفسري بإيه يالذيذة هروب الصبية والشباب عبر البحر بكل مخاطره لبلاد الغرب السيء رغم إن الهاربين دول يعرفوا ربنا زيك بالظبط والله ..

است الحلوين ..لازم تعرفي أن الله فائق الحب والتوهج والاشراق والجمال والضحك وحب الحياة والبشر والألوان وسحر الطبيعة كلها هو هو ضمير العالم. . لا يحتاج كتب ولا اعجازات ولا برامج ولا تفاسير وكتب متلتلة ومشتتة لحد ما أصبح عندنا ملايين من التائهين

طيب حافكرك بمقولة دايما بنسمعها ..(بس لو شوية ضمير ) طيب قولي إنت بقى ..لما يكون الله هو الضمير يبقي ناقصنا ايه ؟ ولما يكون الضمير معدوم وأسود ومخرب ودموي وفاشل وبغيض ومتحرش وسارق وفيه كل العبر ..دا يبقى اسمه ايه !..

صباحك شوية ضمير ست ريهام..

شاهد أيضاً

المنسحبون من مشاهدة فيلم ريش اساءوا لأنفسهم وشككوا فى قدرات حكام مهرجان” كان “

أشرف حلمى أثار انسحاب عدد من الفنانين قاعة عرض الفيلم المصري “ريش” في مهرجان الجونة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *