الأربعاء , أكتوبر 24 2018
الرئيسية / تويته وستاتيوس / ( يا طوة المسيحى مظلوم )
محمد فتحى

( يا طوة المسيحى مظلوم )

يا طوة المسيحى مظلوم
ده لا سب ولا ازدراء أديان
كل الحكاية و العتاب و اللوم
أنه على كلاب داعش هان
دى داعش ملهاش دين
ولا حتى تعرف ربنا
لكن بالاسم مسلمين
مع أنهم مش مننا
المدرجين على قوائم الإرهاب
ازاى انت بتدافع عنهم
قولى ايه الأسباب
لا هما مننا ولا احنا منهم
يالى فى بحر الفتنة عايم
خلى بالك من الدوامات
دى مش عايزة مخ بهايم
دى عايزة مجاديف بمحبة الاخوات
متجيش ابدا مش معقول
من رابع مليون المستحيلات
المسيحى مبيسبش الرسول
ولا بيهين فى الديانات
المسيحى لو كان سبنا
كنت هرد عليه و أدافع
لكن و الله ده بيحبنا
و باين الحب مش نافع
لما فتيل الفتنة اتقاد بالنار
كتر الكلام و كترت الاكاديب
عقول بشر فى مخ حمار
معقول الضحية يبقى ديب
كلمة منى انا ليكم
داعش ملهاش دين
دى بتقتل فينا و فيكم
مبتفرقش بين المصريين
امتى الموضوع يتحل
ولا مفيش حلول
و الله الواحد مل
من قلة العقول
يا مين يحل القصة
تعبت ااااااه يانى
ولا الحكاية لسة
فيها كام جزء تانى
كلمات : محمد فتحى

 

 

 

 

 

شاهد أيضاً

مؤسس حركة شباب كريستيان يعلن عن الأسباب الخفية لظاهرة حريق الكنائس “

من جهتنا حركة شباب كريستيان للاقباط الأرثوذكس كتبت كثيرا عن موضوع ظاهرة حرق الكنائس و …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *