جريدة الأهرام الجديد الكندية 
مقالات مشابهة
نصيحه لكل بنت
والشباب كمان لازم تسمعوا وبإتقان
لما تيجى تختارى
اختاري اللي يخاف عليكي ويشيل همك ويتقمص كمان دور وشخصية امك
اختاري اللي يحتويكي ويدلع فيكي
مش اللي تحتويه ويطلع عنيكى
اختارى اللى يفسحك ويدلعك لحد ما يفلس
وكل ما يفتكرك يتجنن ويفضل يهلوس
اختاري اللي يبقي معاكي طبيعي ويمسك بايديكي
مش اللي يعمللك م البحر طحينة ويمثل عليكي
اختارى الواد اللى بيسمع كلمتك
مش الواد ابن امه
هو ده اللى هيقدر يسعدك
وتشحتيه العيش ويموت من الحسره يا عين أمه
اختاري اللي يفهم سكوتك ويحترمك ويحس بيكي
مش اللي يتعبك ويقسّي قلبه عليكي
اختاري اللي تبقي معاه طفلة ومبسوطه
مش اللي بهمه يكبرك ويخليكي كركوبه
اختاري اللي يتعب ويجتهد ويطلع عينيه علشان يجى ويجيبلك الدبلة ف ايديه
المهم بقى سيبكوا من اللى فات
وركزوا ف الكلام اللى جاى يا بنات
وانتوا يا شباب كمان
لازم تسمعوا وتعوا وبإتقان
لأن كل الكلام اللى فات ده كان ضحك وهزار
ولكن اللى جاى هو الأهم وهو اللى فيه اعظم قرار
فلما تيجى تختارى بجد….
اختارى اللى بيحبك وبيخاف عليكى
اختارى اللى وقت حزنك وألمك كان بينسيكى الوجع
اختارى اللى دايما شاغل باله بيكى
مش اللى عايزك علشان كام فسحه وشوية دلع
اختارى اللى دايما وانتى معاه بتحسى بأمان
اختارى اللى بقلبه وروحه شاريكى
مش اللى بفلوسه دايما يزل فيكى
اختارى اللى بيعرف يسعدك برجولته
مش اللى يضحك عليكى بشوية هبل وشوية جنان
ده مش هينفع يكون عنك ف يوم مسئول
لانه هيفضل مجنون كده علطول
اختارى اللى يفتخر بيكى ويغير عليكى
ويقف قدام كل الدنيا علشانك
اختارى اللى وقت مشاكلك وغضبك
يعرف يحتويكى ويشيل عنك
اختارى اللى من اول نظره ف عنيكى
بيفهمك ومش محتاج يسمعك
من الآخر
اختارى اللى اختارك علشان ادبك وشخصيتك
مش اللى اختارك علشان شكلك ولون بشرتك
اختارى راجل، اختارى اللى يقدر يكملك
اختارى السند،اختارى الحماية
وقصتكم ف الاخر تبقي اجمل واعظم رواية
وافتكروا_دايما
الجوازعمره ما كان قسمه ونصيب
الجواز اختيار وقراروانت واختيارك
يا تخيب يا تصيب
