الجمعة , أكتوبر 22 2021
محمد فتحى

( يا هلال نور صليب طوة )

 

عارفك يا طوة انوارك مطفية
على أولادك اللى هتروح هفية
و الله أهلك و ناسك طيبين
بكتبلهم بكل بقلمى و كل ما فيا
بسم الله رب القرأن و الأنجيل
كلنا واحد بنشرب من نفس النيل
القلب واحد الرب واحد شعب واحد
محدش هيقدر يفرق بننا مستحيل
يا هلال نور صليب طوة
عرف العالم برة و جوة
نور المحبة اللى بننا
مبينطفيش من اى قوة
عرفهم أننا كلنا دمنا واحد
اخوات أحباب و ربنا شاهد
ملعون أبو اى فتنة
جاية من شيطان جاحد
يا هلال منور فى السما
يا صليب ميعرفش العما
اوعى يموت قصادكم
شجر المحبة اللى نمى
شجر المحبة مليان خير
أزرع منه أرض الغير
و انت بترمى بذوره
أدى الجامع زى الدير
ادعوا لطوة و كل أهلها
المحبة تملا ناسها كلها
دى بلدهم عايشة فيهم
هية ليهم و هما لها
ادعولها تملى بصلح الحال
يبعد عنها قالوا و قولنا و قال
دى بلد جدعنة و شهامة
أولادها وقت الشدة رجال
محدش يعرف يفرق بينهم
المسيحيين مننا و احنا منهم
لا عمرهم هانوا ديننا
ولا احنا سبينا دينهم
مالك يا طوة مالك
الفتنة سكتها مهالك
ربنا يهدى أهلك
ربنا يصلح حالك
كلمات : محمد فتحى

 

 

 

 

 

 

شاهد أيضاً

أكتوبر الوردى

بقلم : ماجدة سيدهم الشهر العالمي للتوعية ضد سرطان الثدي واللي بيتم الإحتفال به ١٩ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *