مايكل مكرم يكتب : حبيبتي حياتي وحشتيني

من بعد ماسبتك بثوانــــــي
ماحدش ابدا يغنينـــــــي
عن بعدك دانتي في كياني
دانا في بعدك ياحبيبتـــي
بحس كأني تايه في زماني
ايدي مشتاقه للمسه ايدك
وبكل مافيكي وحشانـــــي
روح قلبي عمري محتاجلك
وفي بعدك بصرخ اه ياني
نسيت الفرحه بعد ما سبتك
وتملي عايش في احزاني
دانا تعبان من يوم مافارقتك
ومجروح ياحياتي ولا حد دواني
مش لاقي حد يحس بــــيا
.ولا ينسيني اشجاني
ونمت وانا دمعي في عيني
لكن صوتك في الحلم جاني
وقاللي حبيب قلبي واحشني
. سمعته سعدني وهناني
انتي ان كنتي بعيده عني
لكنك عايشه في وجداني
تملي بالي بيكي مشغول
.وجمالك هو اللي غواني
ياحبيبتي خايف بعدي يطول
وافضل اقوللك وحشاني
حبيبتي حياتي وحشتيني
من بعد ماسبتك بثواني
المخلص للابد