الأحد , أكتوبر 24 2021
محمد فتحى

( يا باسم جاية البراءة )

بقولها و بكل جراءة
و بعيدها كل يوم
يا باسم جاية البراءة
لأنك فعلا مظلوم

الحقيقة خلاص بتبان
محدش هيقدر يخفيها
بكرة هتتفتح البيبان
اللى انت محبوس فيها

اطمن اوعى ابدا تخاف
الحقيقة واضحة و ظاهرة
الأعمى خلاص فتح و شاف
اطمن مش هتدبل الزهرة

الفرح يا باسم جاى جاى
مهما ان المشوار طول
العتمة بكرة هتبقى ضى
اطمن كل شئ هيتحول

أخواتك و حبايبك المسلمين
اللى عارفين الأصول و الحق
فى صفك بكل رجولة واقفين
قالوا مش هنسيب باسم لأ

أخوك عمر نطقها و قالها
باسم مظلوم و برىء
الحقيقة لا خفاها ولا شالها
ولا خاف من أى شئ

يا باسم جناحك مش مكسور
مسلمين كتير بالحب حواليك
قالوا كلمة حق من نور
جاية فى صفك و ليك

الفتنة دى لعبة رخيصة
مليانة غدر و ظلم و ألاعيب
أبطالها ناس رخيصة
الاسم بشر لكنه ب ألف ديب

أما انا عن نفسى يا باسم
مش هسيبك و حق ربك
لأنى و الله حالف و قاسم
و مستعد اتسجن جانبك

يا باسم انا على وعدى
حتى لو خالف القدر
فى ناس هتكمل بعدى
أولهم الأستاذ عمر

كلمات : محمد فتحى

 

 

 

شاهد أيضاً

عشوائية القرار بالأقصر (٢)

عماد فيكتور سوريال مقالة أكتبها عن معشوقتي الأقصر،واود أن أضع لها عنوان،وهو عشوائية القرار بالأقصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *