الأحد , أكتوبر 8 2017
الرئيسية / منوعات / كرم فهيم يكتب : يوميات زوج مطحون)

كرم فهيم يكتب : يوميات زوج مطحون)

غلبان واللهى ومن يومى شارب المرار؟
مابين هم الشغل وفى البيت يوميا شجار؟
عايزه اتفسح فى النيل واشوف الاشجار!
وكمان شوية حاجات للبيت
فينو وجبنة ولبن وبيض وشوية خضار!
وعايزين ندفع وصل الغاز والكهربا والايجار!
واوعى تنسي ان اخواتى بكره جايين!
هنعملهم بدل الاكله اتنين عشان الكل يعرف يختار!
ياستى حرام عليكى هو انا معايا فانوس؟
هدعكه او هضرب الارض هطلع فلوس؟
هعمل ايه اكتر من انى شغال ليل نهار!
ماليش فيه انت راجل البيت ولازم تتصرف!
ولازم قدام اهلى باللى عندى اتشرف
أه صح كنت عايزه حاجة كمان
عايزه 500جنية اشترى فستان
واللهى حرام وبجد كتير عليا
دنا اخر قميص جبته كان فى الثانوية
وانتى كل شوية لبس واكسسوار!
ايوة ماانت كده ديما نفسي ساددها
شايف جيجى جارتنا جوزها ازاى بيسعدها
وانا مالى بيه طب ده راجل حمار
مش لازم ابعزق عشان أعجبك
ولو حصلك حاجة مش هقدر اسندك
انا عارفه حظى ياما ماما قالتلى انك قاسي وقلبك جبار
ياسلام عليكى ياحماتى
ديما جايه فى صفى يوماتى
نعم مالها ماما لا ياحبيبتى ده مجرد هزار
يارب قوينى/ على تعب سنينى
وعلى ضغط وسكر جايين مافيش فرار!
يارب دنا غلبان وبالحيا مدفون
ودى كانت يوميات زوج يعينى مطحون

شاهد أيضاً

مايكل مكرم يكتب : خاب ظني فيك

هــــاتـصـدقـنـي لــــــو قـولـتـلـك ان انـــا خـــاب ظـنــــــي فـيــــك مــــاحــســتــش مـره انك خايـن والـغـدر عـمــره مــا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.