الجمعة , أكتوبر 8 2021
محمد فتحى

أنا يا دبابة شهيد ماسبيرو ,

كلمات : محمد فتحى
ازيك يا دبابة يالى دهستينى
لو نسيانى يبقى عقلك زيرو
على العموم لو كنتى نسيتينى
انا يا دبابة شهيد ماسبيرو
انا اللى جسمى تحتيكى اترمى
أيوة انا اللى دوستى عليا
انتى بقى وديتينى السما
و الملايكة موجودين حواليا
انتى عارفة انا دلوقتى فين
انا فى اجمل و أعظم مكان
انا مع الشهداء مع القديسين
عند رب كبير حنون ديان
الملايكة اسقبلونى اجمل استقبال
الشهداء كمان فرحوا و رحبوا بيا
لا كان على الخاطر ولا البال
انتى أكون معاهم فى حياة أبدية
انا سيبت ليكى الأرض
مشيت خلاص و سافرت
جنة ربنا دفا مش برد
دلوقتى فيها كبرت
فى حقى انا مسامح
يا دبابة داست عليا
انا اتغيرت فيا الملامح
انا شهيد خلاص يا عينيا
يا دبابة شكرا ليكى
وفرتى عليا المشوار
انا رحت بأيديكى
لجنة متعرفش النار
انا عايش فى جنة ربنا
فرحان سعيد مبسوط
يا دبابة غدرت بنا
احنا مش فى حكم الموت
كلمات : محمد فتحى
شكر خاص للشاعر محمد فتحى من أسرة انا اسف يا دبابة شهداء ماسبيرو ومحبيها وزائريها الذين يقدمون هذه الكلمات المعزية فى الذكرى السادسة العطرة لإستشهادهم

شاهد أيضاً

التبرع بالأعضاء رائع ..ولكن

بقلم / ماجدة سيدهم حملة التبرع بالأعضاء بعد الوفاة (سواء الوفاة طبيعية أو اثر حادث …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *