الخميس , مارس 28 2024
كرم فهيم

كرم فهيم يكتب : (حوار حب)

أنا : الو مين معايا
هو: انا يسوع
أنا: أه اهلا طب ممكن تقفل دلوقتى عشان تعبان
هو: منا بتصل بيك مخصوص عشان تعبان
أنا: ولسه فاكر تتصل بيا دلوقتى
هو: انا ديما معاك لا بتتصل ولا بتسمع اتصالى
أنا: طب خلاص انا هقفل دلوقتى عشان خارج مع صحابى
هو: طب لما ترجع تكلمنى وانا برضه هكون معاك
انا: ماشي سلام
(وبعد انتهاء اليوم)
أنا: الو مين معايا
هو: انا يسوع انت مسجلتش رقمى
أنا: لا بصراحه نسيت
هو: مش مشكلة ابقي سجله انا بس حبيت اطمن انك كويس لانك قولتلى هتتصل بيا
انا: أه بس انا راجع تعبان جدا من بره ممكن الصبح ابقي ارن عليك سلام
هو: خلاص ياحبيبي عموما انا تليفونى مفتوحلك ديما وقت ماهترن هتلاقينى برد عليك
أنا: ماشي سلام
(وبعد ماالصبح صبح)
انا: اكيد بقي هيرن عليا انا مش عارف بقي كل شوية رن رن وانا مش عارف اعمل ايه
(وانا خارج روحت واقع على رجلى وبدات اتوجع)
هو: الف سلامة عليك ياحبيبي تعالى احط ايدى عليك
انا : رجلى وجعانى اوى يارب
هو: طب وكده
أنا: ايه ده الوجع راح خالص انا بشكرك يايسوع انا مستاهلش محبتك دى
هو: انت ابنى الغالى اللى مت عشانه زمان اطلبى هتلاقينى ديما
أنا: قال وانا اللى عمال اتهرب منك وابعد عنك عشان فاكر انى بكده هعيش يومينى واول ماوقعت ملاقتش غيرك جرى عليا وشفانى
سامحنى يارب مش هبعد عنك تانى
هو: تعالى فى حضنى بقي دا انت واحشنى
أنا : بس انا وحش ومستاهلش حضنك
هو: انت عندى اغلى من اى حاجة انت ابنى
انا: ياااااه يارب قد ايه كنت محتاج الكلام والحضن ده انا بشكرك جدا يارب

 

شاهد أيضاً

الأقصر

مدفع رمضان بالأقصر.. ومرارة فقد هويتنا

كتب الاستاذ الطاهر على الحجاجى كان المدفع الذى أمامنا بالصورة من أقدم المدافع ويرجع تاريخه …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.