الخميس , أكتوبر 7 2021

قصيدة انا زيك إنسان .

مش عارف ابدء منين
ياما اتكلمنا كتير..ومفيش فايده
دانت ليك دين وانا ليا دين
دي آيه موجوده عندك ف القرآن
كتابك اللي بتؤمن بيه
وماشي ف كل حياتك عليه
ومتنساش اننا كلنا بني آدمين
انا زيك وانت زيي انسان
فمش من حقي أكفرك
ولا انت كمان
فـ مارس صلواتك وعبادتك بطريقتك
وانا بطريقتي
ونسيب التكفير والحساب للديان
ما كلنا عارفين اننا هنموت
وعارفين كمان..اننا هنتقابل فوق
فياريت بقي نفوووووق
ونبطل نعلي على بعضنا الصوت
وإن كان لابد من الكلام
فتكلم بالتي هي أحسن
انتم عندكم بتقولوا كده ف الإسلام
وانا قالي ربي أصليلك وأحبك
ونعيش مع بعض ف سلام
وحتي إن دخل إبليس ما بيننا..وإتشاجرنا
لازم بسرعه نحطم قيود الخصام
ونرجع من تاني نخبط علي بعض الباب
اتفضل يا جرجس إيهاب
يزيد فضلك يا اخويا محمد شهاب
زي الأول رجعنا أحباب
ونفضل كده علطول
عايشين ف بلد واحده اخوات
نقطع لسان اللي بيقول
دول بياكلوا ف بعض
وما بينهم الغل زاد
اخويا المسلم…
تعالي نبدأ مع بعض صفحه جديده
صفحه بيضه
ونكتب ف العنوان
#انا_زيك_وانت_زيي_انسان
#مـيـنــــا_بـشـيـــــر

شاهد أيضاً

الأقصر وعشوائية القرارات

الدكتور عماد فيكتور سوريال في مقالتي الثانية عن معشوقتي الأقصر،والتي اعجب كثيرا أن تدار بهذه …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *