الثلاثاء , أكتوبر 5 2021
محمد فتحى

( المسيحى إيديه مش مكسورة )

كل الحكاية و كل القضية
أنت من الشيطان صورة
بتكره الديانة المسيحية
اللى بالمحبة مشهورة
لو أنت ايديك قوية
المسيحى إيديه مش مكسورة
الصراحة راحة و انت ضعيف
اوعى تفكر روحك قبطان
سفينتك عايمة فى تخاريف
يالى فاكر نفسك سلطان
بحرك كله وهم و زيف
مضحوك عليك من الشيطان
اوعى تفكر ليك مجداف
ولا حتى مرسى و شط
شيطانك القوى بيخاف
و اكتبهالك بأعرض خط
لما شيلته على الكتاف
زرع جواك الكره و حط
اوعى تفكر أنك رب
بقولهالك لا لا لا لا
أنت روح من أم و أب
مخلوق زيى فى الحياه
هو كل من هب و دب
بقى فاكر نفسه إله
اوعى تفكر انك ملاك
ولا نازل من السما
أنت كلك شر و هلاك
قلبك خلاص اتعما
شجر الفتنة جواك
كبر خلاص و نمى
حط عقلك فى راسك
كفاية هبل و جنان
التكفير مش اختصاصك
أنت مش الديان
لو مش عارف خلاصك
أنت يادوب إنسان
ليه بتكفر مينا و حنا
قولى سبب من الأسباب
يا شيطان الفتنة أبعد عنا
أنت ملعون فى كل كتاب
ولا معاك مفاتيح الجنة
ولا فى ايديك الحساب
مينا و حنا مش كفار
يالى بتلعب بالفتاوى
كلامك اللى زى النار
صدقنى ولا يساوى
ربهم رب كبير جبار
خاف من الرد السماوى
كلمات : محمد فتحى

 

 

 

شاهد أيضاً

الأقصر وعشوائية القرارات

الدكتور عماد فيكتور سوريال في مقالتي الثانية عن معشوقتي الأقصر،والتي اعجب كثيرا أن تدار بهذه …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *