السبت , أبريل 27 2024

ماجدة سيدهم تكتب : ياحضرات النوايب بشويش التقيل جاي

م الآخر خلاص بقينا مسخرة الكوكب ..والسبب م الأول في مولانا ..اللي تمامه وتماممكوا الهري في الجنس والنسوان وبس ..

من اول الهوس بالاعضاء التناسلية للستات .. الختان والماشية والقصعة ونتف الحواجب وحجم النهود والمؤخرات ومواقيت الحيض والمباشرة حتى اتحفنا البرلمان الموقر مؤخرا بسن القوانين لمحاربة الفسق والفجور والممارسات الشاذة والاخلاق المنحطة اللي بهدلت الشارع بسبب إثارة الستات لمشاعر الذكور وبكدا يبقى الختان ضروري وغيره وغيره …

و هي دي ياحلوين اولوياتنا اللي تستحق فعلا طلبات إحاطة .. بالذمة دا دور برلمان في بلد كلها مواجع ..

طيب ايه رأيكوا ياحلوين في موضوع تجميد البويضات .اوعوا تقولوا ماسمعتوا عنه . دا الكلام عليه كتير اليومين دول ولاقي قبول كمان

..طيب اكيد سمعتوا عن قناعة الكتير وتشجيعهم للسنجل مازر ..طيب ايه رأيكوا في الاقبال الواسع على الارتباط دون عقد زواج وبكل الالتزام الأخلاقي والأدبي اللي انتوا ماتعرفهوها اصلا..

..وإيه رأيكوا كمان في انتشار صالات اليوجا والجيم وتعليم الرقص للجنسين معا والإقبال الصحي والكبير عليها بدون حالة تحرش واحدة .والرحلات والسفريات الشبابية المشتركة ..صداقة حلوة ونقية من غير ماتكون نجاستك ثالتهم..

كمان الإقبال الحر على تناول البيرة والخمور وتبادل انواع الشيكولاتة بالويسكي كهدايا محببة بين الاصحاب والأسر لأوقات حلوة ومبهجة ..وعلى فكرة طل كدا على الدراما وحتلاقي كلامي صح ..فيها رسائل كتير للرفض ياحضرة منك له ..

دا موجود بكل المستويات ..ناس ناضجة وفاهمة .. تحترم الحياة ..مليانة خير وعطاء وعلم وثقافة وجمال وحب بجد من غير صوم ولا صلاة ولا رعب من حد ..

ياحضرات النوايب والمشايخ .. خنقتوا الناس بالدين وعقوباته ..فرفضوه ..واهو التقيل جاي لسة وحايطيح بالكل ..صحيح الفوضى الان بتجمع بين المثقف الفاهم و البلطجي المسكين لكن الاتنين رافضين ..حايتعلم ويفهم يكون إنسان حر راقي واللي لسة خايف اوعدكوا حايكون أو الصف للبصق عليكوا والاطاحة بيكوا ..لعنة الله عليكوا

.احذروا الإنسان لأنه الأقوى والأصلح وله الغلبة والتاريخ يشهد ..

شاهد أيضاً

المغرب

الــملــصـق المسرحي لمن ؟

نــجـيـب طــلال مـفارقات: أشرنا ما مرة، بأن هنالك ظواهر تخترق جسد المشهد المسرحي في المغرب، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.