الخميس , سبتمبر 19 2019
الرئيسية / مقالات واراء / محفوظ ناثان يكتب : ” وطني بينزف”
محفوظ ناثان
محفوظ ناثان

محفوظ ناثان يكتب : ” وطني بينزف”

لامتى وطني هتنزف
وكل ما فيك نزيف
من اول ما بتصحى من النوم
وحتى اخر اليوم
تعب وكد ووجع وأنين
مش يوم ولا اتنين
لكن على مر السنين
مش لاقي لقمة هنية
ولا عيشة حلوة ورضية
ولا لاقي صدر حنين
ولا حد يخلي حملك خفيف وهين
تعبان وبتئن ومجروح ومكسور
اولادك بيموتوا على عتبة بيتك
في كنائس ومساجد
إللى واقف واللي ساجد
محتاج تخطي الصعاب
وتسير طرق وجسور
وتعبر بحار وسدود
ليه يا وطني حظك كدة مايل
هموم واتعاب وأوجاع ..
على طول شايل
كل الاوطان بتنهش في لحمك
من جوة ومن برة ومن كل مكان
بيحاولوا يركعوك ..
ويهدموك ويكسروك
اولادك عاوزين يبعوك
وللاغراب يسلموك
وتكون مرتع لكل من هب ودب
وعرضك مستباح
ودمك مستحل
ليه يا اولاد بلدي بتعملوا فينا كدة
ده احنا اهل وجيران واحباب
ودمنا واحد وربنا واحد
ليه احمد ميحبش مينا
والوادي ميحبش سينا
ليه التكفير واحنا مؤمنين
والله هو وحده اليقين
هو اللي بيحاسب
ويبرأ ويعاقب
واحنا غلابة مالناش سلطان
ده هو واحده الواحد الأحد الديان
كفاية يا وطني نزيف
قوم ضمد جراحك
شد الهمة ولم اللمة
وأجمع اولاد حواليك
وحدِّهم بكلمة طيبة من فيك
و بلاش حسرة
وفرقة وبغضة وخصام
تعبنا من كتر الانقسام
احنا في ضهرك
نفديك ونحميك
ونرفع اسمك ونعليك
ده انت احلى الاوطان يا وطني
يا وطني احلى الاوطان…

شاهد أيضاً

رأس السنة المصرية”

كتب : محمد السيد طبق مع شروق شمس اليوم الحادي عشر من سبتمبر يحتفل العالم …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *