الثلاثاء , أكتوبر 23 2018
الرئيسية / مقالات واراء / ( المسيحى مش ملطشة )
محمد فتحى

( المسيحى مش ملطشة )

المسيحى مش ملطشة
ولا عميل للأمريكان
لا عمره هرب ولا مشا
على فرنسا ولا اليونان
فى عز ظلمه و موته
قالولوا أهرب مرضيش
قالها كتير بعلو صوته
فى مصر اموت و أعيش
بيحب بلده فوق الوصف
راجل وطنى فعلا حاببها
لما بنته طالها الخطف
قال بلدى و مش هسيبها
لما أندبح قدامه القبطى
قال انا التانى افديها
مصر دى هية حبيبتى
مقدرش أهاجر أراضيها
كنيسته أتهدت قدام عينه
حتى الإنجيل ورقه اتحرق
أتهان و أتسب ياما بدينه
حتى ماله قدامه أتسرق
لا عمره خان فى بلده
ولا كان فى يوم عميل
مربى فى بنته و ولده
حب القرآن و الإنجيل
المسيحى ميعرفش الكراهية
ولا فى قلبه ليها اى مكان
المسيحى عنده محبة إلهية
لا تعرف فعل ماضى ولا كان
محبة عايشة تجرى فيه
جوه القلب و فى الوريد
مهما أن شاف منك أيه
تلاقى محبته بتكتر و تزيد
عارف معنى المحبة الربانية
اللى لا ليها نهاية ولا حد
قلبه ابيض و صافى النية
ميعرفش يشيل من حد
بيعامل ربنا فى الإنسان
مسلم مسيحى كله واحد
مهما أن اختلفت الأديان
عمره ما كان يوم جاحد
كلمات : محمد فتحى

 

 

 

 

شاهد أيضاً

نادية هنري تكتب : فصل القمامة وإعادة التدوير .. رقيٌّ وحضارة

عشنا جميعًا في بيئة تحب اكتناز الأشياء ولا ترغب بالتَّخلي عنها أو رميها، نرى فيها …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *