السبت , أبريل 20 2024

جريدة الأهرام الجديد الكندية

أخبار عاجلة

ماجدة سيدهم تكتب : ع القدس رايحين

8 ديسمبر، 2017 مقالات واراء اضف تعليق

مقالات مشابهة

ويرص عوض حجر الشيشة للمعلمة نوسة : هيا ايه العوبارة يامعلمة

تشد نوسة نفس وبسلطنة : عبارة ايه ..

عوض :الزروطة بتاعة القدس دي ..

تطلع نوسة بمزاج كل حريقة الدخان في وش عوض: القدس دي ياعوض طووووول عمرها موضوع انشا .. وكنت دائما اخد فيه صفر أو بكتيره سطرين في نشيد ..

:معقول يامعلمة تاخدي صفر ..

:بقولك موضوع انشا ورذل كمان ..ما بيجيش على مزاجي..

:لوك لوك يعني ..

:اسم الله عليك ناصح من يومك ..وبعدين حاجات السياسية دي ليها حسابات تانية واتفاقات ودوشة مالناش فيه .. . كفاية بقى لوك لوك وقوم شوف شغلك..نزل الكرنب على الفرشة هنا ..وحط البرنجان جنب قرون الشطة . ..وتعالى ظبط الحجر التاني .

:رقبتي يانوسة ..يا معلمة السوق كله وست المعلمين..

هيصة ودوشة وزعيق

نوسة :فيه ايه ياعوض ..

عوض ..الواد رجب نازل سب الدين ورمى فرشة الخضار بتاعة امه كلها على الأرض واتبحتر كل البانجو والفياجرا اللي تحت الفرشة ..

:الله يخربيتك يارجب .. مابتتهدش ..خير انشالله ايه للي شايط فيه كدا ..

: عاوز يروح القدس ..

: تعالى طيب ظبط لي الحجر ..

الخربطة زادت والزعيق علا وقلق ف السوق

نوسة : عوض ..هات لي الواد من قفا أمه

قام رجالة نوسة وجابوه هيلا بيلا

:مالك يارجب ايه اللي مولع فيك كدا

رجب : القدس يامعلمة عربية ..بتاعتنا ..القدس ياناس..

نوسة ببرود :طيب معلهش يارجب روح شوف شغلك وكفاية اللي خربته ..

:وديني ماحاسيبهم ولاد الكلب الانجاس ..

:معلش يارجب . استهدا بالله كدا ..مافيش حل غير انهم يعيشوا مع بعض.. حبايب يعني .. ويفضوها سيرة .. لو مش عاوزين بقى حايعملوا زيك كدا ..اهدا يارجب وشوف شغلك

وقف رجب ف حالة هياج وراح رامي بكل الخضار و هووب راح حادف كرنباية بغل وقعت نصبة الشاي بتاعة عم اسكندر على فرشة الخضرة بتاعة الغلبانة شادية .والسوق بقى ميغة

قامت نوسة ومن قفاه :بص ياله سكت لك وقولت اهم بوءين حارقينك وحايخلصوا ..صابرين على قرفك ومشاكلك وسايبينك في السوق اهو تلقط رزقك ..لكن ورحمة امي ما حافوتها لك ياعرة .. تبوظ السوق وتبهدل الخضار بالشكل دا ..دا اكل عيش ناس غلابة ويتامى وناس شقيانة من الفجر .. علشان ايه داكله ياروح امك.. هي كانت من بقية السوق ..

: دي القدس يامعلمة وديني ..حانولع ..و حانقاطع و حانروح ومش حانسكت ..

:ماتروح يارمة حد منعك على الأقل تطلع مرة راجل وتكون أد نعرتك .. وبعدين حاتقاطع ايه انشالله ..الدوا ياحيلتها .. الدوا بتاع العيانين يا اهبل ..طب مش لما تعرف تعمل الاول لبخة للخراريج ..

ياعرة احنا خصيناك السنة اللي فاتت علشان فاجر وبهدلت بناتنا .. ..وديني لاخصي لسانك إن مالميت نفسك ..اخرس ياواطي ..لا هو انت فاكر كانوا مستنين رأيك يا اجرب ولا القرار طق ف نافوخهم كدا بسجارة حشيش ..ياله لما تعرف تعمل دىوس يتشك ف عينك ابقى فنجر ياروح الحاجة ..

خلاص خلصت مشاكل السوق .. دا احنا عندنا هم مايتلم .. يارمة دا لو جالك عقد عمل لاسرائيل حاتفر على هناك. طوالي وتبوس الجزم..اتخرست يعني

: القدس عربية وإسلامية

: كمان .. بقى الحكاية كدا ..لاء ..الواد دا عاوز يولع ف السوق كله

يارجالة .. الواد دا بره ..بره ..

:لا يامعلمة والنبي بلاش بره

ينزل الشبشب على وش رجب يرن ..هدووووء كل واحد راح على شغله

عوض :الشيشة يامعلمة ..

نوسة بنفس عميق :هات .. الله يحرقه ..

الوسومماجدة سيدهم

شاهد أيضاً

الكنيسة القبطية

لوبي باراباس الجدد ..!

لماذا لم يفكر هؤلاء الاشاوسه في نشر فيديوهات للأسقف مار ماري عمانوئيل ضد المثلية والبابا …

اترك تعليقاً إلغاء الرد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.