الإثنين , أبريل 25 2022
القدس لنا

” أنا عربي “

بقلم/ شحات عثمان ـ كاتب و محامـي ـ

انا كنت فى يوم عربي…

الكل يحلف
ويرتل حروف اسمي…

كنت زمان فارس همام …

ماسك فى ايدي حسام ….

وحصاني ما ينشاف منه..

الإا غبار أقدام….

كان صاحبي صلاح….
ومحمود وجهاد وسلامه….
وغلبوا التتار…

جالنا الفرس والصليبين…

وكان ليهم الآسر عنوان….

كنا من قبلهم عاشقين….
سنة الديان…
وفالحين فى كل مجال…

وأسالوا ابن سينا وخوارزمي….
وابن رشد وهيثم.. دى ناس كانت فينا ولينا مثال …

كان فيهم عرب ومسلمين….

من كل الأمصار بس كانوا رجال ….

وكل يوم….

كنت امسك كتاب افرح…
واقول انا عربي …

انا عربي …
من نسل الرجال …

وصحيت فى يوم…
من الايام لقيت الحبر ذاب ….

والورق حالف ما يظهر حرف من اللى فات …

قلتله مالك يا ورق نفسي اشوف تاريخ امجاد ..

ضحك لى بضحكه سخرية…
قال كفايه عليك اللى كان …

ورينى نفسك واظهر افعالك للعيان ….

قلت له طيب سجل يا ورق …

انا هاقلك انا مين …

انا عربي اكلي من بره

انا عربي سلاحى من بره

انا عربي قدوتي فان دام …

ومادونا ومايكل …

بن جاكسون عليه السلام ..

انا عربي عندي….
شهاده فى الموضه…
وتقصير البنطلون ..
ووصوله للركبه والصرة باقتدار …

انا عربي وبنتي فى الشاتات والانستغرم ….

بتبيع المتغطى…

للى بيدفع اموال …

انا عربي…
عندى تقويم وردى
وباستخدم شيشوار
وكريمات وماسكات
من بتوع اليسا ونوال….
ودى كابريو بتاع تياتنك الهمام ..

اقول تانى …ولا كفايه يا ورق ….

صرخ الورق وقال …
انت لا يمكن تكون نسل رجال

والاقصي والقدس…
مش مكتوب ليها ..
تكون انت سندها …
وفارسها المغوار …

وقعد الورق يبكي…
ومن كثر الدموع ذاب .

ولا فضل ماضي يتقري

ولا حاضر كمان يتقري
والسبب كلمة قلتها انا عربي

شاهد أيضاً

حزن مسيحى شديد بمحافظة الأقصر لرحيل عريس السماء أندرو كيرلس

انتقل على رجاء القيامة عريس السماء اندرو كيرلس موسى جرجس الإدارة التعليمية بجوار جامع عبد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *