الخميس , مارس 28 2024

محفوظ مكسيموس يكتب : الحيطة المايلة

فيه ثورة في الشارع والناس بتشكك في نزاهة إنتخابات البرلمان يا كبير ( ٢٠٠٥ ) !!!! بسيطة إضرب كنيسة أو إتنين وغير موود الشارع
فيه إحتقان بسبب أداء الريس مبارك وكلام عن التوريث يا باشا !!!!! بسيطة ولع في أقباط قرية في الصعيد وإقفلهم الكنيسة وإتلكك بالترخيص وخلي الناس تتكلم في حاجة خاصة بالكفار وطلع كام شيخ يكفروا المسيحيين ولاد ال ….
فيه ثورة في تونس وخايفين أحسن العدوي بالفيسبوك توصل مصر يا باشا !!!! سهلة فيه كنيسة في إسكندرية إسمها كنيسة القديسين إسمها بيعصبني إضربها في رأس السنة و الموضوع يبقي حديث الشارع بلا ثورة بلا عدوي بلا بطيخ
فيه ثورة في التحرير وكل شوارع مصر يا باشا والناس بتطالب بخلع مبارك !!! سهلة إحرق كنايس مصر كلها في الصعيد …..ياريس الناس خلعوا مبارك ورافعين لافتات مكتوب عليها( يسقط حكم العسكر ) إزاي الكلام ده ولع في أقباط قرية في الصعيد و إعمل حشد ضخم قدام كنيسة وخلي الإعلام يصور ويذيع ومتنساش شيوخ التكفير علي كل القنوات .
شفيق نجح ودا مش هيرضي الإخوان يا باشا دول ممكن يولعوا في البلد وبعدين عاملين deal مع طنطاوي و المجلس العسكري !!! لا متقلقش طنطاوي وبجاتوا هيستفوا النتيجة للإخوان بس ده ميمنعش إنك تضرب كام كنيسة من باب الإحتياط ،
المجلس العسكرى الجديد مش مرتاح مع الإخوان يا باشا ونزعة إسترداد الحكم بتراودهم وممكن يبقي فيه فوضي في البلاد !!! سهلة عايزك تولع في باقي الكنايس اللي لسة ما ولعناش فيها وتقتل ناس كتير وتخلي الإعلام كله يقول فتن طائفية وبالمرة شيوخ التكفير يكفروا الأقباط ولاد …. .
السيسي إعتقل مرسي وقفز ع الحكم ..سهلة ولع في كنايس وجه بحري وقبلي وإسكندرية وقول للناس الإخوان حرقوا الكنايس وطلع لنا شيخ تبعنا وقسيس تبعنا وخليهم يبوسوا بعض قدام وائل الإبراشي و أحمد موسي .
الناس بتندد بأداء السيسي وعاملين فيديوهات عن أكاذيب الرئيس يا باشا !!! سهلة يا … عايز إنفجارات في كنيسة مهمة وسط البلد وتموت ناس كتير ويطلع الريس يعزيهم بالليل ويحضن البابا 
الأسعار بقت نار والتعويم خرب بيوت ناس كتير يا باشا ؟!
سهلة فجر كنيستين في وقت واحد واحدة فيها البطريرك والتانية فيها الأنبا بولا بس إوعي البابا يتقتل مش عايزين دوشة من الغرب يعني ع الباب كدة وزي مانت عارف خد بالكم من الأنبا بولا ( دا الرجل بتاعنا ) وخلي الناس تتكلم في شيوخ التكفير وإبن تيمية ومتنساش نستضيفوا الأنبا بولا علي كل القنوات علشان يلمع النظام كالعادة ..
وكل اسبوع من هنا ورايح عايز حادثة دبح قبطي في أماكن متفرقة وتبقي شغل الناس الشاغل وإحنا بنحارب الإرهاب.
الناس شايطة يا باشا بسبب قرار ترامب الأخير الخاص بالقدس ؟!

سهلة  فيه كنيسة في أطفيح بلغ الرجالة تتجمع وتهدها وتجيبها الأرض وفهم رجالتنا إن الجهاد لتحرير فلسطين يبدأ من أطفيح وبلغ رجالة الفيسبوك بالخبر وخليهم يشتموا البابا والرئيس ويتهموا البابا بالعمالة …. طيب وكنيسة العدرا اللي في ….. يا .. لسة باقي ٩ أيام لرأس السنة وأسبوعين علي قداس عيد الميلاد . تمام ياباشا تسلم دماغك وبرضه المسيحيين ولاد ….

شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.