السبت , أبريل 23 2022
أخبار عاجلة
السكوت

السكوت ..

بقلم . شحات عثمان

عايش فيها بشوية كلمات…..

ما هيه شوية سنين كافرة ….

وعيون شاردة ….

وسبعات عجاف ….

حالك وحالي وحال المغيبين والمغيبات ….

صحيت في يوم وقلت خلاص فات اللي فات…..

شديت اللجام على اللسان وقلت اسكت …

الحروف ع الشفايف صابها سهم الممات ….

يوم ورا يوم لقيت نفسي ساكت
وزهق مني حتى السكاات….

انا والله صحيح كنت ساكت
بس سكاتي ما كانش سكوت ممات …

انا كنت ساكت لاني كلامي ضاعت منه البسمات ….

ما هى سنين كافرة سرقت منا الحسنات…..

حتي ساعاتي بتراودني فيها شوية آهاات متغمسه بشوية حسرات ….

من كام يوم قلت خلاص….

مش هاكتب تاني واشوف حالي واحوالي ….

اتاري الحال كان متداري بشوية كلمات…..

يا سنين كافرة سبعتك بقيت سبعات ….

احوالي تشتكي من يومي وتسكب عشانك عبرات …..

الغريبه إني كنت فاكر اني عايش زى شوية فقاعات…..

اتاريني كنت عايش فيها بشوية كلمات…..

وسكاتي في يوم هيكون هوه الممات….

شاهد أيضاً

دروس الكبير أوي

مختار محمود بعيدًا عن حالة النجاح التي يحققها الجزء السادس من مسلسل “الكبير” على مستوى …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *