الجمعة , أغسطس 17 2018
الرئيسية / منوعات / ” لو دبت أنا فيكِ” ..
أسماء مهنا
أسماء مهنا

” لو دبت أنا فيكِ” ..

بقلم / الدكتورة  “أسماء مهنا” ..  

يامصر ياللي الغزل
في الأصل كان ليكي
وأنا قلت ايه العمل
لو دُبت أنا فيكي
هايم علي بابك
عاشق تراب أرضك
من كتر أحبابك
واقع أنا في عرضك
خايف لتنسيني
*************
النيل بيتمختر
ماشي في شريانك
وده أصله كان سكر
بيسقي مين جالك
*****
ياحُسْن ياللي عمرو
شافه وقال الله
رد الفاروق وبشوق
شوقتني رؤياه
***********
وطه سيد الخلق
أثني علي رجالك
دول خير جند الأرض
لو شالو أحمالك
وأناشيلت أحمالك
وضهري كان شيال
لو مهما تتقل خطوتي
وعيال وراها عيال
هفضل اقول القسم
اجيال ورا اجيال
بأني زي الهرم
ماتهزنيش أحمال …
******
يامصر ياللي الغزل
في الأصل كان ليكي
وانا قلت ايه العمل
لو دبت انا فيكي

شاهد أيضاً

“الداخلية” تبيع لوحة مرورية مميزة بـ 15 مليون جنيه

قال مصدر أمني: إن حصيلة بيع اللوحات المعدنية المميزة وصلت إلى 105 ملايين جنيه، بإجمالي …

تعليق واحد

  1. قصيدة رائعة ومميزه
    شكراً للشاعرة الطبيبة لما لمسناه من جمال العبارات وسلاسة الاسلوب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *