الثلاثاء , أكتوبر 23 2018
الرئيسية / منوعات / ماجدة سيدهم تكتب : أبو شنب ..عيب

ماجدة سيدهم تكتب : أبو شنب ..عيب

السيدة منى ابو شنب صاحبة مبادرة تعدد الزوجات تؤكد أن ٩٦% من الزوجات خائنات ..

.طيب شوفي تتكلمي في التعدد حا نقول ليك حجتك ..لكن تقولي ستات مصر كلهم خائنات. نقولك اخرسي وقطع لسانك ..

تعرفي ايه عن ستات مصر يامدام أبو شنب …

ستات مصر .اللي طافحين الدم ليل نهار وشقيانين. م الفجر ع السكك علشان لقمة العيش .. ولا اللي بيكافحوا علشان بيربوا يتامى ولا اللي شايلين مع أزواجهن مسؤولية مصاريف البيت ولا اللي بيعطوا وقتهم للأعمال التطوعية لخدمة المجتمع ولا صاحبات الرسائل العلمية ولا ولا ..

لا يامدام ابو شنب ..حضرتك رصدتي وحصرتي ستات مصر المكافحات في نوعية معينة تلهو وتتصيد على صفحات الفيس بوك بس ..ستات مصر عندهم قيم وأخلاقيات ومسؤوليات تهد جبال ماعندهم نفس وقتك اللي بتقعديه حتى تشوفي وتتبعي حالات الخيانة على صفحات الفيس بوك..واضح أن الموضوع مستهويكي .. وما انتبهتي حتى لنساء كثيرات جدا محترمات وجادات ومثقفات جدا يضفن الكثير على صفحات الفيس من طرح ونقاش وتناول قضايا هامة ماشغلت بالك مرة

عيب تتكلمي عن ستات مصر بكلام غير مسؤول وبغير حق . الواجب محاسبتك وبشدة من قبل المؤسسات و المهتمات بالشأن النسوي .دي إهانة لايستهان بها ابدا ..

شاهد أيضاً

بالصور : حفل خطوبة ساندى وشادي بكنيسة العذراء المسرة

الإعلامي أسامة عيد يتقدم بخالص التهاني الى أسرة الحبيب الغالي شحاتة عزيز وزوجته نادية عزيز …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *