الأحد , مايو 6 2018
الرئيسية / منوعات / ( يموت الإرهابى و الصليب مرفوع )
محمد فتحي

( يموت الإرهابى و الصليب مرفوع )

( يموت الإرهابى و الصليب مرفوع )

حكاية الأرهابى مع الصليب
ينكتب عليها 1000000 موال
الأولة الأرهابى دايما بيخيب
التانية مينكسرش الصليب محال

بيفضل الصليب مرفوع
ولا اى شئ يقدر يهزه
يحاول الأرهابى و يفوع
خسران الشيطان بيوزه

أرهابى و فارد دراعينه
الكره جواه أنزرع و أتحط
الشر مالى قلبه و عينه
الشيطان بالنسباله شط

كاره الصلبان كره العما
ميعرفش اى دين سماوى
فاكر أنه إله من السما
مع أنه خسيس ولا يساوى

سلاحه فى أيده و جبان
أصله من يومه بيخاف
لا يعرف دين ولا ديان
ولا عرف محبة و شاف

مهما يضرب فى الكنايس
مستحيل فى يوم ينتصر
الصليب على نفسه دايس
فى اى نهاية الأرهابى خسر

ميعرفش أن فى إله
هو اللى حامى بيوته
رب الموت و الحياه
سبحانه فى ملكوته

إيديه أقوى من السيوف
دايما لأولاده فاردها
بتطمن من أيها خوف
أصله بالأمان ماددها

المسيحي له رب
هو اللى بيحميه
ساكن جوة القلب
كمان عايش فيه

يموت الأرهابى و الصليب مرفوع
أصل الصليب هو الأقوى
الأرهابى من الشيطان مدفوع
لا يعرف دين ولا تقوى

كلمات : محمد فتحى

شاهد أيضاً

اشتقت لدمعة حنية ..

بقلم / أمل فرج حقيقي وفعلا الحنية بتبكيني .. والقسوة بكت قلبي وعيني.. بس دموع …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.