الأحد , نوفمبر 28 2021
محمد فتحي

( الله أكبر بسم الصليب عليكي يا مصر )

 

( الله أكبر بسم الصليب عليكي يا مصر )

الله أكبر الله أكبر الله أكبر
بسم الصليب عليكي يا مصر
منصورة يا بلدي أكتر و أكتر
أرفعي كل رايات النصر

أسمك في الكتب السماوية
ده تكريم من رب العباد
محفوظة تملي يا مصر قوية ‏
يا أغلي و أعظم البلاد

هلالك دايما منور صليبك
الله و أسم النبي حارسك
مسلم مسيحي الكل حبيبك
ده اللي أتعلمناه في درسك

رفعت الهلال وياه الصليب
بتخلي كل العالم يخاف
أصلها بتخلي الفتنة تغيب
لا قيمة ليها ولا بتتشاف

أبونا في كنيسته بيصليلك
قايد بأسمك دايما شموع
شيخنا في صلاته بيدعيلك
قلبه عليكي بينزف دموع

حتي الراهب في ديره
عمره ما كان ناسيكي
هو و الراهبة و غيره
صلاتهم دايما تواسيكي

شيخنا دايما في الجامع
مش ناسيكي في الأدعية
أبونا لما بقابله في الشارع
بيصلي ليكي و بيدعي ليا

ربنا قالها في الأنجيل
مبارك دايما شعبك
هزيمتك شئ مستحيل
اللي حاميكي ربك

قالها ربنا في القرأن
أدخلوها بسلام أمنين
أنتي الأمن و الآمان
حافظك رب العالمين

تعيشي يا مصر تعيشي
يا أرض محمد و مينا
زيك و الله مفيشي
يعيش حبك فينا

كلمات : محمد فتحي

شاهد أيضاً

رحيل سيدة أقصرية يهز جنبات المحافظة لما فعلته هذه السيدة فى أواخر أيامها

(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *