الأربعاء , أغسطس 15 2018
الرئيسية / كاريكاتير / ماتشات كاس العالم بريشة الفنان عادل جرجس

ماتشات كاس العالم بريشة الفنان عادل جرجس

شوفت يا جدع الأمله اللى احنا فيها أخيراً ها نعرف نتفرج على ماتشات كاس العالم ببلاش و محدش يتسرع و يسئ الظن و يفكر أن الفرجة ها تبقى من خلال تليفزيون الدولة أو الفضائيات المصرية اللى بقت أكتر من الهم على القلب، بلاش يبقى ضميركم وحش، الفرجة على كاس العالم اللى فريقنا القومى مشارك فيها ها تبقى من خلال شاشات دولة أسرائيل الشقيقة ، ما تستعجبش و لا تستغرب و لا تسذبهل و خد بقى الخبطة الكبيرة قوى دى عندك، ياسيدى إسرائيل كمان خصصت قناه علشان تذيع عليها الماتشات بالعربى شوفت أذاى أن احنا كنا ظالمين أسرائيل و أهى طلعت كيان جميل و (كيوت) و بيحب العرب قد عنيه و أن صبرا و شاتيلا و دير ياسين و بحر البقر و غيرها من المذابح دى كانت كلها مداعبات كوميدية للشعوب العربية و أحنا كنا فاهمينهم غلط، طبعاً خيالك مايروحش لبعيد و تفكر ان إسرائيل دفعت ملايين الدولارات علشان تاخد حقوق البث و (تطرى) على سيادتك و أنت قاعد (مانتخ) في البيت .. أبسليوتلى مطلقاً الحقيقة أن خالتك الشيخة موزة أخدت لقناة الجزيرة حقوق البث في المنطقة و قعدت قاعدة طويله مع شيطانها اللى شق هدومه منها وفى الأخر قررت إن اللى عايز يتفرج يدفع أو يطاطى ، طبعاً محدش سال فيها تقوم خالتك تعمل ايه؟ تدى حبيبتها أسرائيل حقوق البث ببلاش و أسرائيل تفتح البث على قناه خاصة (مش هاقول اسمها) للمصريين و طبعاً البث مش لوجه الله و على حسنة جارية على روح المرحوم شارون الحكاية إن الاعلام الاسرائيلى بيسحب رجلك عنده بماتشات كاس العالم وواحدة واحدة تبقى زبون على قنواتهم و يتمسح عقلك و تلاقى نفسك في النهاية متنح و مبرق و خدودك مدلدلة و مطلع لسانك بره بقك و بتسال نفسك بغياء .. هو أجنا بنكره أسرائيل ليه دى جميلة وورده و فله و شمعة منورة.

شاهد أيضاً

الانتهاء من تطوير اكبر مصنع لتكرير السكر بريشة الفنان عادل جرجس

الانتهاء من تطوير أكبر مصنع مراجل بخارية لتكرير السكر فى مصر #مصر_متأمنة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *