الجمعة , مارس 29 2024

محفوظ مكسيموس يكتب : ( صديقي المؤمن.. عزيزتي القديسة )

صديقي المؤمن … عزيزتي القديسة تعالوا أهمس في ودنكم خمس دقايق وبعدها قرر مين أهم عند ربنا ومين خدم ربنا والبشر أكتر ( إنت بإيمانك العظيم ولا البروفيسور Stephen Hawking الملحد اللي بتكفروه النهاردة بعدما رقدت روحه العظيمة بسلام ) ؟؟! 
بص يا سيدي استيفن هوكنج ده إتولد يوم ٨ يناير سنة ١٩٤٢ من أم اسكوتلندية وأب إنجليزي في مدينة أكسفورد البريطانية ولما خلص البكالوريوس بتاعه من ( جامعة كامبريدج ) ودي الجامعة رقم ١ في العالم وحصل على درجة الشرف الأولي في علم الفيزياء كان عنده ٢١ سنة وبعدها بأيام معدودة أصيب بمرض نادر جدا جدا إسمه ( مرض العصبون الحركي ) والتصلب الدموري .من الأخر كدة شلل تدريجي وكل الأطباء قرروا إنه هيموت خلال سنتين علي أقصي تقدير !!!! فتخيل بقي الرجل اللي لسة خريج بتقدير مع مرتبة الشرف الأولى خلاص هيتشل خلال أيام وهيموت بكتيره بعد سنتين .. المهم يا أسيادنا البنت اللي بتحبه كان اسمها ( جين ويلدي ) قررت إنها تتجوزه وتعيش معاه السنتين المتبقيين دول . بعد الزواج بشهور بدأ الشلل التدريجي لإستيفن وبالفعل اصبح قعيد وعلشان مطولش عليك بعد الشلل عمل إيه إستيفن ؟؟؟؟
بعد الشلل أصبح إستيفن هوكنج أشهر عالم فيزيائي في العالم كله وأصدر نظريات جديدة في علم الفيزياء والرياضيات وأهمهم ( النسبية العامة والثقوب السوداء ) ودي غيرت ملامح علم الفلك تماما لأنه أثبت ان النجوم المنهارة بسبب الجاذبية هي حالة تفردية في الكون ( يعني من الأخر وبالبلدي كدة إنها حدث له نقطة بداية زمنية .) بعدها عدل كتير جدا من نظريات الديناميكا الحرارية وبعدها بستة شهور بس اثبت نظرية جدا نسفت كل النظريات القديمة المتعلقة بالثقوب السوداء . وبعدها بأيام معدودة اصبح Stephen Hawking الملحد أشهر فيزيائي وعالم كونيات وعالم فيزياء فلكية . عالم رياضيات . عالم فلك وطبعا بروفيسور في أعظم جامعة في العالم ( Cambridge University ) وطبعا حصل علي كل الأوسمة والجوائز من شتي بقاع الأرض لدرجة إن جامعة ( Harvard ) تاني أعظم جامعة في العالم منحته الدكتوراه الفخرية وخصصت مكتب وقسم كامل بإسمه . مش هطول عليك صديقي المؤمن وعزيزتي القديسة ومش هقدر أسردلك الجوائز العالمية اللي حصل عليها لأنها عايزة كتاب مش بوست والغريب بقي يا مؤمن إن كمان كان كاتب تربوي عملاق وله مؤلفات عدة حققت توزيع لا نظير له مثل ( تاريخ موجز للزمن ) والتسلق علي أكتاف العمالقة ) هو ده بقي يا أسيادنا الرجل المشلول اللي غير ملامح الفيزياء والرياضيات والقوانين الفلكية !!!!!! قولي بقي يا مؤمن انت والست القديسة مين خدم ربنا والبشر أكتر. إنت بإيمانك ولا الملحد الكافر إستيفن هوكنج؟؟؟؟؟!!!! فلترقد روحك بسلام أيها العظيم إستيفن RIP STEPHEN HAWKING

ربما تحتوي الصورة على: ‏‏شخص واحد‏، و‏‏‏نظارة‏ و‏لقطة قريبة‏‏‏‏

شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.