الإثنين , نوفمبر 29 2021

مايكل مكرم يكتب : “حبي ليكي مايتوصفش”

حبي ليكي مايتوصفش..ومابتكسفش
لو هاقول ممكن اوطي وابوس رجليكي
ولما اشوفك كل يوم..كل الهموم
عني تروح لما يا “امي”أبص ليكي
لما تغيبي عني ثانيه..كل الدنيا
بتبقى صعبه لما يا غاليه مش بلاقيكي
يا اغلي عندي من روحي..فداكي روحي
وكل جروحي بتهون يا “امي”
لما بس امسك ايديكي
يااغلي اسم تنطقه كل الشفايف
ولما ابقي خايف
من اي حاجه أجرى بسرعه
واستقوي بيكي
بتضحي براحتك علشاني
وبكون وحداني
لو غبتي لحظه ولما اشوفك
اجري عليكي
وبرمي نفسي بين احضانك
والمس حنانك
وابكي يا “امي” وادعي لربي
انه يخليكي
لو حد شافني في يوم فرحان
علي طول يقول انك دعيالي
ودعاكي ليا يا “امي”كمان
بيبارك في رزقي وعيالي
يارب يا “امي”مايحرمني منك
وافضل عايش خدامك
يخليكي ليا يا نور عنيا
ويبارك ربي في أيامك
أنا كل همي دايما يا “امي”
انك تكوني راضيه عليا
ولو طلبتي حته مني
اديكي قلبي وعنيا 
ربنا مايحرمنيش منك ابدا
ابنك حبيبك

شاهد أيضاً

رحيل سيدة أقصرية يهز جنبات المحافظة لما فعلته هذه السيدة فى أواخر أيامها

(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *