الخميس , ديسمبر 2 2021
حب
حب

عشرة الناس مش بالسنين ..

كتبت / أمل فرج

عشرة الناس مش بالسنين ..
في ناس تعلِّم في يومين اتنين ..

ولو غابوا ..

تحس الدنيا مافيهاش بني آدمين ..
لا يهدا البال ، ولا تغمض العين ..

ولو حضروا ..

تحس إنك مش عاوز ناس تانيين ..
و العمرعدى بسرعة في ثانيتين ..

وفي ثانية ..

تحس كل الكلام بقوا كلمتين ..
وما فيش ناس حواليك سامعين ..

عارف ليه ؟..

لإن مهما كان الناس جنبك ملايين ..
إنت كل الناس ، والناس مش فارقين ..

عارف من إيه؟

لإن في وجودك الناس غايبين ..
والناس مهما شافوا مش شايفين ..

تفتكر ليه ؟!..

لإن مهما عرفوا مش فاهمين ..
ومهما فهموا مش حاسين ..

اسألني ليه ؟

لإن مش كل الناس طيبين ..
ومش كل الطيبين حنينين ..

كان نفسي أعرف ليه ؟!

يمكن مع إن كل الناس موجوعين ..
لكن يمكن لكل وجع ناس غاليين ..

بردو مش فاهمة ليه ؟!

يمكن لإن في وسط الناس ناس حاسدين ..
والعين قتلت ناس اتمنوا يعيشوا فرحانين ..

ويا ريتني أفهم بس ليه ؟!

ومهما كان ..

دي المواقف الغالية خلقت لينا ناس غاليين ..

خلتنا نفهم إن عشرة الناس مش بس بالسنين ..

شاهد أيضاً

رحيل سيدة أقصرية يهز جنبات المحافظة لما فعلته هذه السيدة فى أواخر أيامها

(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *