أيه الحكاية يا حكومة قولي
ولا خلاص نزلت الستارة
ولا وزير مسيحي يا مدبولي
حكومتك عنصرية بجدارة
ليه المسيحي غايب
مالوش أبدا أي وجود
ليه مالوش أيها نايب
رد ليه مش موجود
هو المسيحي مش صالح
ولا شكلتوها كيف و أزاي
بالوساطة و الحب و المصالح
آه يا ويلكم من اللي جاي
ليه المسيحي نهايته أستبعاد
مع أنه راجل قد المسؤلية
ده تعنت و تمييز و أستعناد
كوسة و بطاطس و ملوخية
الوزارات أزاي شكلتوها
بالخيار ولا الفاقوس
طبختوا الطبخة و أكلتوها
مع أنها مليانة سوس
ليه المسيحي يا حكومة بعيد
ليه متشال دايما من حساباتك
ليه بتخلي ناره تملي تقيد
ليه العدل فارق كل حياتك
المسيحي زيينا أنسان
ليه حقه دايما مهدور
خافي مرة من الديان
أمتي تشوفي النور
يا مدبولي بجد عيب متجيش
بقولهالك قوية بعلو الصوت
أزاي عايز حكومتك تعيش
دي من أول تشكيلها بتموت
كلمات : محمد فتحي