الأحد , سبتمبر 20 2020

مايكل مكرم يكتب : إلي حبيبتي

مين قال اني ناسيكي
مين قال مابقتش أحبك
دانا ليل نهار ملهوف عليكي
واتمنى أرجع أعيش بقربك
مش بفكر يوم غير فيكي
وطول الوقت صورتك في بالي
وقلبي لسه راسم ليكي
صورة الحبيب اللي في خيالى
لسه فاكر نظره عنيكي
وأنا رامي نفسي بين احضانك
ببيع الدنيا و مشتريكي
دانا عايش بس علشانك
وقت ضعفي بستقوي بيكي
ووقت ضيقي بلمس حنانك
لو طلبتي روحي ..اديكي
ياروحي انا بتنفس غرامك
لو حد قالك اني نسيتك
ماتصدقيش..وماتقلقيش
قوليلهم انك روحي وحياتي
ومن غيرك انتي مقدرش أعيش
وارجوكي حبيبتي ماتخليش
اي حاجة تبعدني عنك
وحبي ليكي ماتنكريش
ياحتة مني دانا حتة منك
مع حبي

شاهد أيضاً

زفاف نجل المناضل موسى قرين

يتقدم الصحفى نصر القوصى نيابة عن اسرة الأهرام بأجمل التهانىء القلبية الى المناضل المحترم موسى …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *