الخميس , أغسطس 16 2018
الرئيسية / منوعات / محمد فتحي يكتب ” الأنبا مكاريوس قلبه جميل “
محمد فتحي مع الأنبا مكاريوس

محمد فتحي يكتب ” الأنبا مكاريوس قلبه جميل “

الأنبا مكاريوس قلبه جميل 
من بحر المحبة بيعبي و يشيل 
في الخفي و في الظاهر 
قلبه أبيض جميل و طاهر 
في الأنسانية مالوش أي مثيل

بتكلم معاه بحس براحة 
لسانه مينطقش غير الصراحة 
سلامه و كلامه و حبه 
نابع طالع من قلبه 
شجرة المحبة جواه طراحة

ملاقتش زيه ولا في الخيال 
مفيش منه حقيقي محال 
لفيت ما خليت 
دورت ما لقيت
صعب ألاقي له أي مثال

محبتي ليه محبة ربانية 
أسمه مشرف في الأنسانية 
أقسم بديني و ربي شاهد 
مسلم مسيحي عنده واحد 
عاش نيافته صافي النية

رغم أن عيني لسة ما شافتك 
صدقني أني بحب و أعز نيافتك 
عارف أيه الشرف ليا 
في كل الحياة و الدنيا دية
أن جه يوم و لقيتني عرفتك

حروفي و كلماتي وياك أحتاروا 
في حبك عيني و قلبي ما أختاروا 
عاشت المحبة الألهية 
اللي متعرفش كراهية 
سيدنا أنت اللي بتبرد القلب و ناره

في المحنة و الشدة بتكون معايا 
دعواتك بتنور 1000 طريق وياياه 
مهما كتبت كتير و كتير ‏
مش لاقي وصف ولا تعبير ‏
نيافتك تستاهل ‏1000000 حكاية ‏

ربنا يبارك في كل حياتك ‏
ربنا يسعد كل أوقاتك ‏
عشت يا أسد الصعيد 
عشت جوانا أكيد 
كلماتي دية أعتبرها كلماتك

كلمات : محمد فتحي

شاهد أيضاً

“الداخلية” تبيع لوحة مرورية مميزة بـ 15 مليون جنيه

قال مصدر أمني: إن حصيلة بيع اللوحات المعدنية المميزة وصلت إلى 105 ملايين جنيه، بإجمالي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *