الإثنين , سبتمبر 16 2019
الرئيسية / أخر الاخبار / قضية رأي عام تنتظر القصاص بعنوان : #كلنا_آمال_مندور ، هذه تفاصيلها ..
آمال مندور وطليقها

قضية رأي عام تنتظر القصاص بعنوان : #كلنا_آمال_مندور ، هذه تفاصيلها ..

كتبت / أمل فرج

 نشر أحد المتعاطفين مع قضية زوجة مكلومة قصتها  عبر  مواقع التواصل الاجتماعي  ، واستغاثتها من  طليقها المتوحش في قضية رأي عام للثأر من هذا الزوج لما فعله من اعتداء وحشي بالسلاح  على طليقته في حيلة ماكرة ؛ لاستدراجها ، وكان نص الاستغاثة والمساعدة  في ضبط وإحضارالزوج لامتثاله أمام القانون كالتالي  :

بدون مقدمات لحد إمتى فى مجتمعنا هيضيع حق البنات ، اللى قدامكم دى بنت زيها زى أى بنت ممكن تكون أختك قريبتك ! 

دى كانت بتتمنى تعيش زى الناس حياة آمنة مستقرة وسعيده مش هطول عليكم دى اسمها  آمال مندور  ..

كانت متجوزة شخص إسمه  محمد فتحي حجازي  شخص همجى وأسلوبه فى التعامل مع الناس حيوانى هى أنجبت منه 3 أطفال وعاشت معاه 12 سنة منهم 10 سنوات فى بيت واحد و سنتين عند والدها بسبب معاملته الوحشيه ليها 

بالرغم إن العيشه معاه كانت صعبه ومليانه بالإعتدائات اللفظيه والجسدية والتعذيب إلا إنها صبرت وكملت عشان خاطر الأطفال لحد ما قررت إنها مش هتقدر تتحمل العيشه معاه تانى وطلبت الإنفصال هو رفض وتمادى فى المعاملة الوحشة وبالفعل أمال قررت ترفع قضية خلع ورفعتها يوم 15/7/2013 وهو هددها  بالقتل  لو كسبتها وبالفعل اتحكملها فى القضية يوم 13/7/2014 وبقت مطلقة منه !!!!

بداية الغدر : 

يوم الجمعة 8/8/2014 أخت طليقها كلمتها قالتلها إن جوزها عايز يشوف الأولاد 

آمال قالت ماشى بس على شرط ميكونش هو موجود وأنا موجودة عشان إنتى عارفاه إيده طويله وممكن يعتدى عليا وبالفعل أخته اكدت عليها إنه مش موجود راحت  آمال الشقة بتاعت أخته مع الأطفال دقيقتين بالظبط  آمال لقت إنه متمسكه إنها تقعد بالرغم من إنها أساسآ مكانتش بتطلع عندها وبالفعل إتفتح باب الشقة وظهر منه طليقها !!!!! 

ومجرد ما شاف آمال  قام بالإعتداء الوحشى عليها بالسلاح الأبيض قدام أبنائها وكان عايز يقتلها وأخته كانت قايمه بدور المتفرج
ولطف ربنا جوز أخته كان نايم فى الشقة وقام على صوت آمال وهى غرقانه فى دمائها وبالعافيه بعد طليقها عنها وطليقها مش راضى يبعد وعمال يصرخ يقول (مش هسيبها غير لما اقتلها هقتلها ) 

فلتت  آمال من الموت بأعجوبه ؟ 
ونزلت جرى وهى غرقانه فى دمها تترجى العربيات والتاكسى إن حد يوصلها للمستشفى وبعد وقت مش طويل كانت #أمال فى المستشفى غرقانه فى دمها 

هل تعلم أن جرح إيديها فقط 39 غرزة ؟ 

هل تعلم أن هذا شروع فى القتل ؟؟

هل تعلم أن نفسية أطفالها مدمرة بسبب ما شاهدوه من مجرزة حقيقة أمام أعينهم ؟

ولحد دلوقتى أخته بتكلمها وبتهددها وبتقولها ” إنتى فاكراه هيسيبك ولا إيه 

دلوقتى  المجرم  طليقها ده هربان عايزين صورته تلف فى كل مكان حتى يتم القبض عليه 
مكان شغله شركة الجيزة العامة للمقاولات ..  في  وسط البلد

على فكرة لسه محدش  اتحرك  عشان يجيبلها حقها ولسه حياتها هى وأولادها وأهلها مهددة بالخطر !!

والمستجد حاليا إن  المحامي بتاع المجرم طليقها بيتصل بوالد الضحيه أمال بيهدده بيقوله” لو جبت سيرة أختى مش هيحصل كويس ” ! 
لحد إمتى هتستمر المهزلة دى !؟

#كلنا_آمال_مندور

علشان كده بالله عليكم قدروا حالة الناس الغلابه دي علشان إحنا ممكن نقع في الموقف ده ومنلاقيش اللي يساعدنا فساعدوا الناس . 

 

والجدير بالذكر أن هذه كانت استغاثات ، واجتهادات لبعض من أهل المجني عليها ، والمتعاطفين مع قضيتها ، وما تعرضت له من تهديد ، وتعذيب ، وإراقة للدماء في محاولة قتل مدبر لها ، وقد أثارت انتفاضة الجميع لها  ؛  فقضية آمال مندور هي انعكاس لقضايا كثير من السيدات في مجتمعنا ، وما أكثر المسكوت عنها ،  ولكن تبحث آمال مندور في حمايتها وأن تجعل من هذا الزوج عبرة لغيره ، وأملا للزوجات المكلومات في أن  يكون لهن من ينصفهن إن جارت عليهن الأيام . 

شاهد أيضاً

عاجل ..تركي المالكي يفجر مفاجأة بشأن حريق أرامكو بالسعودية ..

أمل فرج أكد العقيد الركن تركي المالكي، المتحدث الرسمي باسم تحالف دعم الشرعية في اليمن، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *