الإثنين , سبتمبر 27 2021
شريف رسمى

الحل السحري لمشاكل الأقباط .

البوست ده نشرته في ١٦يوليو٢٠١٦ .. و هعيد نشره بعد سنتين بشيئ من التعديل لان الاوضاع كما هي بل ساءت :
“””””””””””””””””””””””””””””””””””””””””””””””””””””””””””””””””””””””
نداء لذوي القلوب الرحيمة من مسيحيي مصر الي كل رجال مصر بدءا من رئاسة الجمهورية مرورا برئاسة الوزراء حتي اصغر غفير في ارض مصر المحروسة
معظم وزارات ووزراء مصر تعبوا بسبب الاقباط .. وزارة الداخليه ووزارة الصحة وحتي وزارة الاوقاف
كل شوية كنيسة تتحرق و اجري يا شرطة و الحق يا اسعاف .. ولا ست تتعري من هدومها و اتدخلي يا نيابة و حقق يا قضا .. بنات بتختفي و منعرفش مصيرها و الحقونا يا خلق هووو .. كل شوية يخرج شوية متشددين لمنع الصلاة في كنيسة و نصرخ الحقنا يا امن
بصراحة انا كمسيحي بعترف اننا متعبين .. تعبنا الناس كلها معانا وعايز اريحكم .. قعدت افكر لغاية ما تفتق ذهني .. حلوة تفتق دي .. تفتق ذهني عن الحل
احرقونا .. اه احرقونا .. اعملوا محرقات واحرقونا زي ما عمل الالمان في اليهود وللمعوقين وبكدة ترتاحوا من قرفنا .. ولو ماقدرتوش تحرقونا وتعملوا هولكوست لان الغاز غالي وعندنا ازمة دولار .. اطردونا من البلد كلها و اقعدوا فيها انتوا و السلفيين و المتشددين .. وانتوا خبرة في الموضوع ده سبق و طردتم كل يهود مصر .. و بدل ما كل شوية تهجرونا من بيوتنا و نرجع .. هجرونا من البلد كلها
انا كدة عملت اللي عليا و جبتلكم الحل .. لكن برضه مش هترتاحوا لان وانتم لوحدكم هتكفروا بعض و تقتلوا بعض
… انا مستاء و حزييييين .. نفسي حزينة جدا حتي الموت

 

شاهد أيضاً

أسقف مونستر: فيليكس جين يترأس قداس تدشين كنيسة الأنبا أنطونيوس في مدينة جروناو الألمانية!

د.ماجد عزت إسرائيل  في 22 أغسطس 2021 م ترأس أسقف مونستر الدكتور فيليكس جين قداس …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *