الجمعة , أبريل 19 2024

جريدة الأهرام الجديد الكندية

أخبار عاجلة

ماجدة سيدهم تكتب : قولا واحدا ..

5 سبتمبر، 2018 منوعات اضف تعليق

مقالات مشابهة

لو أنا القانون لصنعت من ضميري الحي علامة وشم مميزة وواضحة للمتحرش والإخصاء للمغتصب ..

قبلا تناقشت مع بعضهن عن اصراري على هذا المطلب الحتمي ..ورغم تأييد البعض لكن أيضا كان الهجوم المبرر إن هذا يمثل عاهة مستديمة للجاني لأنه إنسان (قول كل اللي نفسك ), فهي عاهة لايقبلها الشرع ولا العرف ولا القانون ولا الإنسانية (برضه قول كل اللي في نفسك )

طب ياست الأبلة يالذيذة يا بتاعة حقوق الإنسان ومناصرة الحق ياللي عايشة في بلد مصنف عالميا بالفضيخة الفاخرة والانحطاط الفريد لحد ما اتعلم علينا في كل بلاد االعالم وبقبنا وصمة عار وخطر على حج البشر ..هو الاغتصاب دا مش برضه بيعمل عاهة مستديمة للحياة كلها ولا إيه .. وغالبا ما تذبح الضحية أو تموت من الانتهاك الوحشي لأن اغلب المغتصبات صغيرات ..

هو التحرش دا مش تدمير نفسي وموت بطيء لكيان إنساني محسوب إنه حي لمجرد إنه لسه عايش بيتنفس..

كم بنت وست في المحروسة بتتعرض يوميا للتحرش الجسدي وتللفظي وبأحط الالفاظ من ذكور المحروسة المطلوقة بلا رادع ..

أما اللي شايف (ة) إن الشباب دا معذور ومش قادر يمسك نفسه .. يبقى السؤال ..لو بنتك أو اختك أو مراتك أو حفيدتك تعرضت لدا ..برضه هاتعذره

قلبكوا مع الجاني ومتعاطفين مع ظروفه وبتلوموا الضحية لأنها مثيرة ( دي طفلة يامتعوسة ) أوك …ياريت تكونوا ائتلاف حلو كدا أو رابطة أو أي شكل مجتمعي وتلموا فيه كل الذكور المعذورين أوي دول وحلو انتو مشكلتهم مع بعضيكوا ..بس بعيد عن بنات وأطفال مصر يا شوية حريم وياأتعس وأحقر نساء الأرض ..

قولا واحدا الإخصاء للمغتصب والوشم للمتحرش ..

الوسومماجدة سيدهم

شاهد أيضاً

أمريكا

المصريون يعلقون على زواج التؤام الملتصق “أهى زوجتين فى زواجه واحدة بدون غيرة “

بدون غيرة وكيد النساء المتمثل فى الزوجة الثانية ، التى وصلت فى بعض الحالات هى …

اترك تعليقاً إلغاء الرد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.