الجمعة , مارس 29 2024
الشاب المصرى المقبوض عليه

القبض على مصرى بالسعودية لقيامه بحمل كتب مخالفة لقانون المملكة .

وصلت لنا استغاثة من أهالى شاب مصرى بالسعودية تم القبض عليه لقيامه بحمل كتب من ضمنها كتب مخالفة لقانون المملكة 

اليكم تفاصيل الشكوى  كما وردت لنا
استغاثة الى أهل الخير بالجاليات المصرية والمصريين الشرفاء .
من شاب مصري عمره ٣٠ سنة غلبان ويتيم وملوش ذنب في أي حاجة غير أنه جه السعودية يأكل عيش وبيعول أسرة مكونة من زوجة وبنت صغيرة عمرها شهور ووالدته وبنتين
الموضوع أن فيه شخص سعودى فاتح مكتبة بالسعودية طلب من مكفوله المصري الذي يوجد الآن بمصر طلب منه مجموعة من الكتب حوالي اربعين كتاب والمكفول دا اشترى الكتب لكفيله وعشان احمد اللى هو صاحب المشكلة وغرقان فيها لوحده دلوقتى كان جاي السعودية بالطريق البرىء ومعاه وزن فطلب الشاب المصري من أحمد أنه يأخذ الكتب معه ويعطيها لكفيله في السعودية .
ولأن أحمد جدع واراد خدمة الشخص دا اللى بيعيش معاه في نفس القرية وافق يشيل له الكتب من غير ما يعرف ايه هي الكتب على أساس انها كتب عادية ومفيهاش مشكلة ..ولكن في التفتيش في ميناء ضبا وجدو ان فيه كتابين من ضمن الكتب ممنوعين من دخول السعودية ، لأنهم يحتوا على أشياء مخالفة لقانون البلد ، فقامت السلطات السعودية بالتحفظ على احمد. ودلوقتى ليه 30 يوم محبوس وبيترحل من مكان لمكان داخل السجون والموضوع بيتطور .
والسعودي صاحب الكتب بعد ماكان بيعترف أن الكتب بتاعته وهو المسئول ومش هيسيب احمد.
دلوقتى مش عارفين نوصله
وكمان الشاب اللى قام بإرسال الكتب من مصر مع أحمد اختفى برضوا ،واحنا مش عارفين نوصل لاحمد وكل اللى وصلنا له أن الموضوع خطير وممكن احمد يروح فيها وهو أقسم بالله مظلوم وماله أي ذنب في الموضوع ومعانا مايثبت ذلك بس مش قادرين نوصله ..
اللي يقدر يوصلنا لكى نستطيع حل المشكلة دى يساعدنا يبقى ربنا وقف له ولاد الحلال واستجاب دعوة والدته المسكينة.

 

شاهد أيضاً

أونتاريو تعلن رسميا عن زيادة الحد الأدني للأجور

أمل فرج صرحت حكومة أونتاريو بأنها تستعد لرفع الحد الأدنى للأجور في أونتاريو بمقدار 65 …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.