الخميس , مارس 28 2024

عفت بشندى تكتب : عارفة يعنى ايه مطلقة؟؟؟؟

يعنى قوية قوية
تحملك للموقف دا معناه انك قوية جداااا كمان
سيدنا محمد قال كسر المرأة طلاقها
انتى اتحملتى الكسر وواقفة على رجلك.. تبقى قوية ..
لو لسة مطلقة.. او قررتى الطلاق بعقل ومنطق بعد ما خلصتى كل محاولات الاصلاح..
هقولك الخلاصة.. الوصايا العشر.. 
١- ثقى ف نفسك اوووووى.. معنى ان ربنا يقول لا يحمل الله نفسا الا وسعها.. وانتى اتحملتى كتير.. ان ربنا كرمك بانك ف وسعك التحمل.. اداكى القوة والقدرة

٢- قربى من ربنا جدااااا.. هترتاحى جداااا.. القرب من ربنا احسن علاج

٣- اقفلى ودانك تمااااما
ماتسمعيش رأى حد ف حياتك
محدش كان بيمسح دموعك لما تنامى مخدتك مبلولة منها.. ولا حد بيقف جنب حد
يبقى محدش من حقه يحكم على حياتك غيرك .. نهاااائى

٤- انتى لا فيكى عيب ولا ناقصة حاجة عن اى حد.. انتى عملتى حاجة حلال
ومفيش حاجة اسمها ابغض الحلال.. مفيش حلال بغيض
مادمتى ما اغضبتيش ربنا يبقى انتى مش فيكى عيب.. واللى تفكيره كدة يبقى دماغه هى المعيوبة

٥- انتى كنتى مريضة وف فترة نقاهة دلوقتى.. اوعى تفكرى ف ارتباط الا بعد ما تستعيدى هدوئك واتزانك النفسي 

٦- ولادك دول اصحابك واخواتك وعيلتك.. مش بس مسئولية وتعب
وعيالك دول ثروتك ومستقبلك.. ابنى بينك وبينهم حب وصداقة واحترام.. كون انك تكونى ام واب دا السهل الممتنع.. عاوز منك عقل وتفكير ونفسية مستقرة

٧- اعملى صداقات .. املى حياتك بناس تحبك بصدق.. دول علاج جامد لاوجاع قلبك .. وكمان انتى انسانة.. لازم يكون ليكى حياتك.. مش مجرد ام وبس.. دا حقك

٨- عيشى اللى انتى عاوزاه.. اضحكى وافرحى وانطلقى .. اعملى ااااى حاجة نفسك فيها مادامت حلال.. واهتمى بنفسك والعبى رياضة.. اقرى كتب.. ثقفى نفسك ..
انتى مهمة اوووووى.. ولازم يكون ليكى وقت لنفسك

٩- ماتشغليش دماغك بالطرف التانى .. ولما تفتكرى قولى حسبى الله والهى نفسك باى حاجة.. كتر التفكير ف الجرح بيخليه صاحى

١٠- لو فكرتى ترتبطى اوعى تستقلى بنفسك.. لا .. انتى انسانة مريتى بتجربة زادت نضجك وقوت شخصيتك.. واللى هياخدك هتضيفى لحياته خبرتك دى وكمان هيكون عندك تصميم على النجاح.. يعنى هتكونى هدية من ربنا ليه

شاهد أيضاً

الأقصر

مدفع رمضان بالأقصر.. ومرارة فقد هويتنا

كتب الاستاذ الطاهر على الحجاجى كان المدفع الذى أمامنا بالصورة من أقدم المدافع ويرجع تاريخه …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.